Page 18 - BNDIA ARUBA

A18 DEPORTE
Diamars 20 Februari 2018

Atletanan a landa mas cu 5000 laps den dos ora

ORANJESTAD - Diasabra ultimo a tuma luga e di
5aquathon di e unico club di synchro, di Aruba, Bar-
racudas. Durante e evento aki e atletanan a landa un
total di 5157 laps.

E meta principal di e Aquathon ta pa recauda fondonan cu ta
yuda e atleta representa Aruba na competencianan den exte-
rior.
Un total di 30 atleta a participa landando 2 ora consecutivo pa
asina logra mas laps posibel. Den 2018 nos atletanan lo forma
parti di e siguiente competencianan:
Carifta (Jamaica),CCCAN (Aruba),UANA (California,
USA) y Coral Springs (USA) pa menciona algun.

Un danki ta baina tur persona y of compania cu a sponsor un
atleta y a contribui na yuda nan haci un soño bira realidad. E
atletanan por sigui busca sponsor te cu dia 28 di februari y nan
tin tempo ainda pa colecta e donacion di e sponsor. Mas hopi
e atleta colecta, miho pe! Asina ta, no descurasha, ainda tin
tempo pa sigui colecta.

Ken nos ta?
Barracudas Aruba desde 1974 a introduci e comunidad di
Aruba na e bunita deporte di natacion sincronisa cu e meta
principal pa brinda atletanan oportunidadnan pa desaroya y
preparanan mes den e deporte pa competencianan interna-
cional.
Den 2017 a introduci e opcion pa hasi natacion sincronisa pa
recreacion, dunando shownan local un biaha pa aña. Tambe
a habri e deporte pa mucha homber por participa mirando e
desaroyo den e deporte internacionalmente. Pa mas informa-
cion por bishita nos riba Facebook @barracudas.aruba, Insta-
gram Synchro Aruba of Website: www.barracudasaruba.com

Riba nos facebook page Barracudas Aruba por admira mas
imagen di e evento aki y e bon ambiente cu tabata reina. May-
ornan, Welo- y Welanan, amigonan y conocinan a bini hunto
pa apoya nan Barracuda preferi.