Page 18 - ATA
P. 18
Invitadonan, contribuyentenan importante pa e logro nan di ECO DMS, a
disfruta di un programa di 4 dia cu varios actividad, incluyendo un
“beach-chic” dinner na Hyatt Regency, un reunion di e adviesraad na the
Aruba Ritz Carlton, un tour aventurero riba UTV, un cena festivo na Cas di
Wichi, cual ta un cunucu na un residencia priva. Tambe a tuma lugar un
evento educativo cohuntamente cu Universidad di Aruba, unda e bishitantenan
y studiantenan a reuni cu e socionan local di turismo pa asina tene un
charla tocante tendencia nan di e ultimo 30 aña y tendecia pe e añanan
venidero cu lo afecta e futuro di e industria.
Durante e actividad educativo, demostrando e experiencia di e expertonan
internacional di Mercado MICE, Wichita Villacres, Presidente y CEO, y su yiu
muher Maoreen Every Managing Director di Eco Destination Management Services
of Aruba, ambos a wordo sorprendi cu cheque generoso pa dos organisacion di
caridad cu nan ta aprecia, Hende Muher den Difficultad cu ta asisti victima
nan di violencia domestico y ARF, the Aruba Rescue Foundation, mehorando e
bida di pushi cu cacho di caya riba e isla.
E atardi a finalisa cu un snorkel tour divertido abordo di un catamaran, y
un cena na the Hilton Aruba Caribbean Resort & Casino.
E ultimo dia di e programa a wordo dedica na un reunion cu funcionario di
Gobierno di Aruba incluyendo the Aruba Tourism Board of Director, y un
celebracion formal pa reconoce e di 30 anniversatio na the Renaissance
Convention Center.
Riba nos isla e invitado nan VIP a disfruta di e hospitalidad di the Hyatt
Regency Aruba, Hilton Aruba Caribbean Resort & Casino, Aruba Marriott Resort
& Stellaris Casino, Renaissance Aruba Resort and The Aruba Ritz-Carlton.
