Page 16 - BNDIA ARUBA

Dialuna 4 December 2017 HENDE HENDE Dialuna 4 December 2017
A17
A16

‘Regalo di Pasco’ di Scol di Musica Rufo Wever

ORANJESTAD – E concierto tradicional di fin di aña di Scol di
Musica Rufo Wever a tuma luga ayera bou nomber di Christ-
mas Present. Y e tabata un regalo di Pasco bunita atrobe pa
scucha e 19 presentacion di alumnonan di e scol conhunto cu
musiconan y maestronan experiencia na Cas di Cultura.

Mayoria di e composicionnan tabata den cuadro di Pasco pero presenta
den un forma original. E publico por scucha entre otro un ‘Tumba di
Santa’, ‘Rudolf the Red-Nosed Reindeer’ riba guitara electrico y ‘Have
yourself a Merry Christmas presenta como un reggea. E presentacion
di e bunita composicion/cantica ‘Hallelujah’ di e musico Leonard Co-
hen cu a fayece aña pasa, a duna un ril. Aunke den sala no por scucha
e bunita bos di e cantante principal Priscilla Quant manera mester ta,
e presentacion di dje conhuntamente cu e coro, tocadonan di cuarta,
guitara, fio, piano, keyboard, baho, drums y trompet tabata conmovi
hopi. En general e grupo di cantante a haci un tremendo trabou henter
anochi durante e diferente presentacionnan.
E programa tabata bon hinca den otro dunando suficiente espacio na
e alumnonan y tambe un bon balansa pa publico por sigui e desaroyo
di esunnan cu a cuminsa y esunnan cu ya ta mas experiencia caba. E
ultimo añanan por mira mas disciplina mixto durante un presentacion,
cual pa e horeanan ta hopi mas agradabel, hisando e nivel di e conci-
ertonan. Pero ta dunando espacio tambe pa talentonan manera Luis
Angel Kelly cu despues di solamente 1 aña di les di piano, a mustra con
leu por yega den un tempo cortico cu dedicacion y pasion. El a duna e
sala e ‘regalo musical’ di Feliz Navidad.
8 di december nos ta recorda cu 100 aña pasa Rufo Wever a nace.
Pero ayera tambe a para keto na e docentenan cu tur aña fiho ta dedica
hopi tempo na e futuro generacionnan di musiconan. Manera Frank-
lin Granadillo (50 aña dedica), Johnny Croes (mas cu 40 aña dedica),
Catherine Provence (casi 50 aña dedica), Rob Rijnbout (mas cu 40 aña
dedica) y tambe Carlos Bislip (mas cu 40 aña dedica). Sr. Grandillo y
sr. Bislip a clausura e concierto (manera hopi biaha) cu ensemble nan
grandi y den un forma cu niun den publico por sinta keto.
E sala tabata sold out y mester bisa hasta pa esunnan cu no tin yiu of
famia riba stage, e concierto ta un di e eventonan musical cu ta resalta
den e temporada di fin di aña.