Page 20 - ARUBA BANK 11 MAART 2016

6 Djabièrnè 11 Mart 2016

VIKTIMA KINDEROORDEN MALTRATA TAMBE ASERKA!!

...Amigunan di su “eks-lider” violadó na Brakapoti a batié...

WILLEMSTAD.- Un dje víktimanan den e notorio kaso di violashon seksual na Kinderoorden Brakkeput a bolbe bira víktima, pero
e biaha aki di maltrato dor
di ruman i otro amigunan
di un dje sospechosonan
den e kaso aki. Esei
EXTRA por a komprondé
di su informantenan
resientemente. Segun nos
fuentenan, aunke ta trata
aki di un insidente ku a
tuma lugá komo un luna
pasá, tòg ta bon pa mustra
ku seguridat di e víktimanan
no ta totalmente garantisá.

Nos por a komprondé
ku e hóben (16) aki tabata
gosando plenamente di
karnaval i tabata kanando
den kaya ora ku diripiente
el a keda rekonosé dor di
algun otro hòmber. Nan a
rekonosé komo un di esnan
ku a pone ku awe nan
amigu ta den lus negativo i
ku e lo tin di sinta kastigu
pa aktonan kontra moral.
EXTRA a komprondé ku e
grupo aki a duna e hóben
un halá di sota, miéntras
mirónes a para presensiá
loke a sosodé.

Mas lamentabel den
e kaso aki ta ku e hóben
awor ta mas troumatisá, ya
ku despues di un periodo
di añanan di abusu, ora
el a kere ku e ta aliviá, e
ta ser agredí. Es mas, nos
a komprondé asta ku e lo
tin miedu di hasi denunsia
kontra e individuonan
kobarde ku a maltrat’é. E
informashonnan aki a ser
kompartí ku EXTRA despues
ku nos fuentenan a tuma
nota di un rapòrt ku ta bisa
ku lo no tabatin mas kaso
di abusu seksual na e sentro
ku ta alohá hóbennan
spesial.

RAPORT
Manera nos a informá
for di ayera, e promé parti
di investigashon ku minister
Rutmilda Larmonie-Cecilia
a laga hasi di Kinderoorden
Brakkeput ta kla i ta
mustra ku no tabatin mas
kaso di abuso seksual ku
e menornan di edat den e
internat. Dia 21 yanüari
último, minister Larmonie-
Cecilia a anunsiá ku SOAW
ta drenta e internat pa hasi
un investigashon. Esaki ta
a base di e kaso di abusu

Sigui lesa pagina 46