Page 8 - FDLP

Diamars, 22 October 2019 AWEMainta 5

Presentacion

di e kalender

nobo di

Sanctuario

di Burico pa

aña 2020

E kalender nobo di e Sanctuario di Burico a
wordo presenta den un manera hopi festivo

cu bolo y koffie. E conocido periodista Nico
van der Zee a entrega e prome kalender na

sra. Rona Coster, un local y popular publi-

cista, periodista y columnista.
Sra. Coster a wordo escogi p’e honor aki dor

di su trabao incansabel den busca di spon-
sors pa e dak nobo di e Visitor Center. Su

entusiasmo y drive a logra realiza e proyecto

aki.

Normalmente Manager Desiree Eldering ta

haci entrega di e prome kalender, pero dor di
malesa e no tabata por. Tampoco e fotografo

di e ultimo 10 kalender di Burico no tabata

available pa saca potret.
Pesey mes a pidi varios amateur y fotografo

profesional pa saca potret y manda nan aden.
E resultado tabata 13 bunita potret di burico

saca dor di 8 fotografo. Un kaft y 12 luna di

potret ta mustra nos buriconan den prima
forma.

E Sanctuario Arubiano, fotografonan Aru-

biano, y nos burico Arubiano ta mustra nos

orguyo di Aruba den nos kalender.
E kalender ta na benta n’e Sanctuario di Bu-

rico, na Superfood, Veterinario Contreras y

na beauty salon En Vogue.
Y tur entrada di e benta ta bay pa cuido di e

buriconan, ya cu e 12 sponsors a cubri gasto

di produccion di e kalendernan.