Page 19 - KPA
P. 19
Polis a detene chofer burachi cu a bay dal tras di
auto na Palm Beach
8 HORA PASA , 9 DI AUGUSTUS 2017 00:28
SECCION: INCIDENTE
Diaranzon madruga a drenta informe di un accidente na Palm Beach, mesora a
dirigi un patruya na e sitio. Na yegada di e patruya a bin compronde cu aki ta trata
di un accidente unda un chofer coriendo auto bao influencia no a regula su
velocidad y ni a mantene distancia y a bay dal tras di un auto cu tabata para na e
cruzada pa warda trafico contrario pasa pa e por bira. E impacto tabata fuerte pero
afortunadamente ningun hende a resulta herida. Polis a detene e chofer cu tabata
core auto bao influencia. Na yegada di nos colaborador ya takelwagen a bay cu e
auto di e chofer burachi. D.O.W. mester a presenta pa basha santo riba e azeta cu a
keda riba e caminda.
