Page 25 - KPA
P. 25
UN PERSONA TA LOS DOS TIRO ARIBA UN CAS
SITUA NA CURA CABAY
August 8, 2017 Admin Uncategorized Leave a comment
Pourierstraat – Dialuna marduga den careda di 1’or polis a wordo pidi na un adres den
Pourierstraat, pa motibo cu nan a tende tironan.
Na yegada di e patruya nan a papia cu e habitante y su yiu muhe.
Ambos a declara cu nan tawata paden momento cu nan a scucha e zonido. Ora cu nan
a bay wak pafo, nan a nota cu e schuifdeur tawata kibra.
Tambe nan a wak un buraco den e muraya di sala.
Despues cu nan a bay para pafo pa wak kiko por a pasa, nan ta haya dos hulz.
Patruya na e sitio a pidi pa departamento tecnico y tambe recherche.
Loke a pasa akinan ta algo sumamente peligroso, esnan cu a los e tironan ey sa tambe
di e consecuencia nan.
Manera nos a trece den e otro noticia caba, diamars marduga tambe un Toyota Tercel
color blanco estilo bieu, lo a los un of mas tiro dilanti piscina olympico na Savaneta.
