Page 77 - KPA

Wardacosta: Transporte ilegal di gasolin

pa Aruba a aumenta drasticamente

Posted on 08/8/2017 2:30 pm AST | Updated on 08/8/2017 10:54 pm AST

ORANJESTAD – Ironicamente, riba e dia cu gobierno di Aruba ta anuncia aumento di
prijs di productonan petrolero manera gasolin pa e siguiente dia, Wardacosta ta menciona
cu e cantidad di transporte ilegal di fuel entre Venezuela y Aruba ta aumentando di un
forma alarmante, na un nivel cu tin Wardacosta di Caribe (incluyendo Aruba) hopi
preocupa. Vocero di e departamento, Roderick Gouverneur a papia cu NoticiaCla awe,
puro coincentalmente cu e anuncio di aumento di gasolin. E mensahe mas bien ta parti di
un combersacion general entre e portal aki y e vocero. Esey no ta kita afo cu e vocero ta
indica un problema serio cu nan ta mirando hunto cu ministerio publico con miho atende
cu ne. “E cosnan aki ta sumamente peligroso” Gouverneur a bisa, refiriendo e.o. na dos
caso cu a sosode cu e transportenan aki a pega na candela.

PELIGER

Pa cualkier forma e ta un peliger segun Gouverneur, pasobra entre otro esnan cu ta
transporta e carga, esnan den besindario riba otro boto, e por ta un peliger pa nan. E ta un
peliger na waf, e ta un peliger ora cu nan warda esaki den bari riba tera. “Bo no tin e
lugar adecua (pa warda esaki). Nos kier djies avisa e hendenan cu ta haci esaki, cu e cos
aki ta un cos hopi peligroso”. Riba e pregunta di e seriedad, Gouverneur a bisa cu
enberdad “Ela aumenta drasticamente” aunke cu no tin cifra concreto pa prueba esaki e
momento aki. Y pa straño cu e por zona, na Corsou nan no tin e problema aki. “Na
Corsou mi no a mirele ainda” Gouverneur a bisa. E tin di haber cu e distancia mas cortico
entre Venezuela y Aruba. Ta conoci cu gobierno a sinta cu gruponan special pa atende e
asunto aki, den un tipo di ‘werkgroep’. Ta wardando riba e ‘sentencia’ di e grupo aki pa
wak kico finalmente ta sali for di dje. E control aki ta sigur cay den e top 3.