Page 2 - awe1306

Dialuna 13 di Juni 2022

LOCAL
Preso a huy for di KIA

pero leu no a yega

Tres presto a trata di huy for di huy diadomingo den oranan
di merdia. Pero nan intento a fracasa, pasobra a descubri
nan y y esun mes cu a logra yega mas leu, a wordo deteni
dspues.
Diadomingo den careda di 12 or y 15 di merdia, un cuidado
di preso a mira tres preso den un brand gang cu ta algo
sospechoso.

Mesora e cuidadonan di preso a actua y hopi lihe a logra
gara dos di nan riba e tereno di KIA mes. Pues prome cu
Teddy Gibson y Jose Ventura por a dal pia pafo di KIA ya
caba a gara nan. E otro ruman Ventura, Cesar, a logra dal
pia pafo pero mirando cu tur autoridadnan concerni tabata
pendiente pasobra tabata na altura caba, mucho leu e no
por a bay.

Cesar Ventura a hay’e obliga di keda scondi den e matanan
cu tin rond di e edificio di KIA mes. E cuidadonan di preso
a bin topa cu palet poni na e muraya. Mientrastanto, tanto
Polis como e Cuidadornan di Preso a rondona e area pa
evita cu e fugitivo tal haya chens

Varios unidad di polis y e Helicopter di polis tambe a yuda
den e buskeda pa e fugitivo. Por a nota presencia tambe di
director di KIA, Gino Winklaar, kende pa evita escalacion di
e situacion a dirigi su mes na e preso y a pidi’e pa entrega
su mes. A inform’e cu e luga tal completamente rondona y
leu e no por bay. Despues di un rato e preso a dicidi di sali
di su escondite y entrega su mes.

Teddy Gibson ta cera pa asesinato cu a tuma luga na
Jaburibari. E aña’ki ainda su caso tabata den Hof, unda cu
a ratifica e cantidad di castigo di prome instancia, esta 15
aña. E otro dos rumannan Ventura, según informacion in-
oficial, ta cera pa droga.

E consecuencia pa e tre presonan aki ta c unan lo perde e
previlegio cu nan lo por tin, entre otro pa traha. Y banda
di esaki, tal prácticamente 100% sigur cu nan lo perde nan
derecho riba libertad temporal, cu ta un tercera parti di e
castigo.

E ultimo caso cu por corda tabata na februari, 2021 ora cu
e preso Lloy Lindor a logra huy pero tambe a wordo gara.

2