Page 4 - AB
P. 4
Diamars, 25 Juni 2024 AWEMainta COMUNIDAD 27
Participacion exitoso di Aruba Bank
na Seminario “Mi Poder Financiero”
ARUBA Bank ta contento di a participa den e seminario “Mi
Poder Financiero” organisa pa Fundacion Plan di Bida Aruba,
cu a tuma luga na Renaissance Convention Center.
E evento a trece nos comunidad hunto pa siña tocante e
aspecto nan esencial di un bon maneho financiero.
Fundacion Plan di Bida Aruba, a organisa e seminario aki pa
promove un bon maneho financiero y duna solucion nan prac-
tico pa maneho di finansa. Nan programa ta inclui plan di
presupuesto, di debe y areglonan di pago pa duna sosten n’e
comunidad.
E seminario a conta cu participacion di diferente experto local,
notario, realtor y profesionalnan legal. Aruba Bank a duna un
presentacion tocante e paso nan pa yega na bo propio cas.
Participantenan tabatin oportunidad pa bishita e “booth” di
Aruba Bank pa informacion y conseho financiero personalisa
tocante hipoteca.
Aruba Bank ta orguyoso di a participa den un evento cu ta
promove bienestar financiero den nos comunidad.
P’esnan cu no a logra asisti e seminario of cu tin mas pregunta
tocante di hipoteca, por bishita e website www.arubabank.
com.
