Page 21 - UTILITIES

Djaweps 25 Febrüari 2016 45

Kontinuashon di pag. 44
KARA MODERNO

ku ta eksistí te ainda di
koperativa na Merka, ku hopi
hende na Kòrsou no sa di dje.
Komo 30% di suministro di
koriente na Merka ta wòrdu
hasi pa koperativa.Un otro
desaroyo ta trata aki di
e desaroyo di produkto I
servisio traha ku teknologia
avansá di programanan
digital. Empresarionan
tambe den e mundu
koperativista ta “download”
programanan standarisá
den “Open Source” ku bo por
haña “grátis” via Internet.
Nan ta “download” esakinan
I ta uza nan pa traha “Apps”
nobo ku hopi biaha ta
hopi inovativo. E “Apps”
inovativonan aki ta wòrdu
bende via un plataforma
di “crowdfunding” uzando
Internet promé ku e
produkto wòrdu traha òf un
servisio nobo wòrdu krea.
Na Europa I na Merka tin
diferente di e Plataforma
aki pa hasi “Crowdfunding”.
“Crowdfunding ta eksistí
seis aña kaba, pero dor ku
Kòrsou no tin un bon areglo
ku klientenan djafó no
por hasi “online payment”
na kompanianan lokal
via di Internet. Kòrsou
te ainda ta ekskluí di
“crowdfunding”, pero tin
inisiativa ta wòrdu tuma. E
forma di hasi negoshi aki,
yama ‘Ekonomia Direkta!’
Transakshon di banko pa
banko ta normal, pero ku
kliente di un otro pais ku ke
hasi pago na un kompania
lokal “online” no ta bon
reglá. Tambe ainda no por
kaba di regla e asuntu .cw.
“Crowdfunding” ta forma
fleksibel ku un empresario
por yega na finansiamentu,
sin ku nan mester tin hopi
sèn di nan mes pa por produsí
un produkto nobo. Pues
klientenan ta paga promé
pa un produkto òf servisio i
despues e ta wòrdu produsí.
Empresarionan ta uza e
plaka di “crowdfunding”
I nan te komprometé nan
mes traha e “App” nobo
pa e hendenan ku a paga.
Tin biaha por dura te ku
dos aña ku e produkto
ta kla I wòrdu entrega
na e kliente.E sistema di
‘crowdfunding’ tin su rísiko
pa kliente, pero na Europa e
negoshi aki ta “booming”!
Un otro inovashon ta
e sistema di ‘kuido pa
bario’ (“wijkverzorging”)
I ‘kuido di ansianonan’
(“bejaardenzorg”) ku ta
kompletamente koperativa.
Esaki a desaroyá su mes den
e region di Emilia Romagna
ku ta keda banda e suidat di
Venezia I Bologna na Italia.