Page 48 - HOH

Minister Dangui Oduber: Miembronan Di AHATA A

Haya Un Presentacion Amplio Riba Coronavirus

 Featured

 Politica
- 03/03/2020

Dialuna atardi Minister di Salubridad Publico sr. Dangui Oduber tabata presente na La
Cabana Resort caminda a reuni cu AHATA. Esaki a bay den cuadro di concientisacion,
transparencia y pa brinda informacion na sector turistico.

Aki e team di profesional di Departamento di Salud cu ta conseha Ministerio di
Salubridad Publico con pa atende cu coronavirus a duna un presentacion n’e miembronan
di AHATA den un esfera hopi ameno.

Durante e intercambio ameno aki e representantenan di Departamento di Salud Publico a
duna un presentacion di kico e virus ta, kico t’e consecuencianan di e virus y con por
preveni di wordo contagia cu e virus. A pone hopi enfoke riba e parti preventivo, tambe a
pone hopi atencion riba e perspectiva y con serio e virus ta.

E manera mas efectivo pa preveni coronavirus ta dor di laba man frecuentemente cu
habon of haci uzo di un hand sanitizer.

Ora a haci un comparacion di coronavirus cu otro malesanan respiratorio cu tabatin den
pasado, manera measel, sars, influenza H1N1 y mears. Den tur e malesa contagiosonan
aki esun cu tin e cifra di mortalidad mas abou ta coronavirus.