Page 12 - AAA

a7
regional Dialuna 9 OctOber 2017
Haiti no a recupera ainda despues di un aña di horcan Matthew

PORT-AU-PRINCE (Carib-
bean 360.com). - Preocupacion
mayor ta bay actualmente na
e destruccion cu a tuma lugar
recientemente na islanan
manera St.Maarten/St. Martin,
St. Barths, Dominica y Puerto
Rico. Tanto horcan Irma como
Maria a laga morto y destruc-
cion atras. Sin embargo, Haiti
e aña aki a keda libra di daño
mayor, pero e consecuencian-
an devastador di horcan Mat-
thew den e pais mas pober di
e continente no a desaparece
ainda. Un aña despues cu Mat-
thew a toca tera na suroeste
di Haiti lagando destruccion
terible, pero especialmente
mucha y adolescente a keda
altamente vulnerable pa e
efectonan di e tipo di desastre
natural asina, segun e entidad
perteneciente na Nacionnan
Uni, UNICEF.

UNICEF a yuda 160.000 mucha cu desnutricion den un programa continuo, y a organisa un
serie di consulta cu adolescente pa facilita nan expresa nan preocupacion y ideanan tocante
maneho di riesgo y desastre, compartiendo e resultadonan cu autoridadnan local.
Recordando e destruccion y e sentimento di desesperacion, Bernard, un mucha di 14 aña di
Roche-à-Bateau (den sur di Haiti) a bisa: “Despues cu el a pasa (horcan Matthew), mi a kere
cu ta practicamente imposible pa sigui biba. Tur mata a keda cu nan raiz pariba.”
“Pero hende a cuminsa recupera gradualmente,” el a añadi.
Horcan di categoria 4 Matthew a toca tera riba dia 4 di october 2016. E tempo ey, e tormenta
potente cu tabata move poco poco, a keda describi como e tormenta mas pisa cu e pais a mira
den varios decada. E tormenta a cobra centenares di bida y a destrui infrastructura esencial,
incluyendo brug, comunicacion y sistema di awa y sanidad. Pero,apesar di cierto avance den
salubridad, educacion y otro areanan critico, particularmente e muchanan di Haiti ta keda
confronta cierto amenasa pa nan seguridad y bienestar. Como 300.000 ta sufri ainda di desnu-
tricion cronico. Mas di mita di e hogarnan rural, y mas di un tercera parti di esunnan den area
urbano, ainda no tin acceso na awa potable. Colera, un malesa tratable y prevenible ta continua
como un problema serio. Apesar cu asistencia na scolnan primario a mehora drasticamente,
dos di cada dies mucha di edad entre 6 pa 11 aña ainda no tin acceso na scol.
“Cienmiles di mucha a mira
nan bida bolter cabez abao a
cuasa di horcan Matthew,”
Marc Vincent, hefe di e ofi-
cina nacional di UNICEF na
Haiti, ta bisa den un recado
di prensa emiti pa e agencia.
“E curashi y determinacion
di famianan pa recupera y
cuminsa construi nan bida
di nobo ta admirable y nos
ta orguyoso di ta un di e or-
ganisacionnan cu ta continua
yudando nan.”
Inmediatamente despues di
e horcan, Nacionnan Uni a
mobilisa su staff na tera pa
responde na e necesidadnan
mas urgente, mandando ayu-
do di emergencia pa famia y
muchanan afecta, incluy-
endo awa limpi y medionan
sanitario.
Trahando hunto cu gobierno
Haitiano, den e ultimo 12
luna UNICEF a rehabilita
120 scol daña pa e horcan,
facilitando e regreso na scol
di 30.000 mucha. Tambe a
provee mueble pa scol pa 139
scol y a duna apoyo psico-
social na 26.000 mucha.
Den e departamentonan Sud
y Grand’Anse, dos di e par-
tinan di e isla cu mas a sufri,