Page 17 - BNDIA ARUBA

A17
HENDE Diamars 17 maart 2020

Jhon Freddy Tobón Montoya:

Continuacion di Pag. 16

Hunto nos por rebiba tur recuerdo cu amor,
e rikesa di un nacion cu ta graba den nos curason.
Hunto nos por celebra e ritmo di nos folklore,
manera di nos biento cu ta supla cu pasion.

Cu a pesar di e diferencia, nos tin mesun Creador,
nos por uni pa avansa, sin importa rasa, ni color.
A pesar di tur diferencia, nos por respeta tur opinion,
canando positivo riba caminda cu amor.

Hunto nos lo defende nos baranca cu balor,
manera un soldad ta cla pa lucha pa su nacion.
Hunto nos lo bataya pa trece norma y balor,
pa cuida nos Aruba su libertad, gloria y honor.

Cu a pesar di e diferencia, tin hopi laso cu ta uni nos,
nos cultura, nos folklore, nos custumber y tradicion.
A pesar di tur diferencia, tin motibo cu ta uni nos,
nos Himno, nos Bandera, nos libertad, gloria y honor.

Cu a pesar di e diferencia, cu por tin entre nos dos,
nos por biba cu harmonia, paz, respet y den union.
A pesar di tur diferencia, nos por uni pa avansa,
riba nos suela, cu igualdad y sin distincion.

A pesar di e diferencianan, nos por duna otro balor,
cu alegria, dicha, goso, bida, forsa y amor.
A pesar di tur diferencia cada un di nos ta unico,
riba nos mes baranca nos ta conta cu e mesun balor.

Cu a pesar di e diferencia un Aruba nos ta…!