Page 3 - KUSTWACHT

Augustus 2, 2017
www.awemainta.com
www.facebook.com/awemainta
noticia@awemainta.com
583-1400

JAGUAR TIN UN COMANDANTE NOBO

LTZ2OC Martin Franssen a traspasa comando di e
cutter Jaguar di Guardacosta pa su colega den rango
Thomas Roosmalen.
E traspaso di comando a tuma lugar den presencia di
Director di Guardacosta, brigade-generaal Peter Jan de
Vin; e madrina di Kustwachtcutter Jaguar, sra. Mendez
de Gouveia; coleganan di Guardacosta, famia y tripu-
lantenan.

E comandante saliente, Martin Franssen cu orguyo por
wak atras riba exitonan di Jaguar, e.o. unda a sa di in-
tercepta 1200 kilo di droga abordo Oceanic I. Sigur riba
un tempo hopi dificil, pasobra su mama a caba di fayece.
Franssen a sa di haci su trabao na un manera masha
profesional y sigur esaki tin di haci cu e team di henter
e tripulacion.

Cu sentimento mixto e ta tuma despedida di Jaguar y di su
tripulacion, pero e ta convenci cu e comandante nobo lo por
conta sigur riba sosten completo di e tripulante di Jaguar.
E comandante a hiba su discurso completamente na Pa-
piamento y a sa di gradici henter e organisacion p’e bon
tempo y sigur e tabata un periodo sumamente agrada-
bel di por a sirbi como comandante di cutter Jaguar.

“Como lider mi ta para pa mi tripulacion y lo sa di
hinca mi man den candela pa nan. Hunto cu e personal
di Jaguar, mi tin confianza di sigui haci un bon trabao
na bienestar di Aruba”, Thomas Roosmalen a duna di
conoce.
E ceremonia a ser clausura cu un corto biahe riba Jaguar.

Riba e fotonan di robez pa drechi
LTZ2OC Roosmalen y LTZ2OC Franssen
Miembro di tripulacion Martinus ta haya un
recuerdo