Page 6 - YMCA

22 AWEMainta Diabierna, 29 September 2017

pagina 22 y 23
Den conexion cu Dia Internacional di Turismo y cu e pensamento cu muchanan t’e futuro y ta importante pa nan ta bon informa
AHATA a yude na conscientisa muchanan di YMCA

Dakota y San Nicolas riba turismo y medio ambiente

Pa AHATA esaki tabata algo hopi fun, unda cu e muchanan tabata
entusiasma y pe representantenan di AHATA esaki a motiva nan
pa haci esey mas sigui. Nan tambe a haya snacks, algo di bebe,
regalito y AHATA su saconan reuzable.

Loke e muchanan a trece ta cahanan di cornflakes bashi y cu esaki
juffrouw Gisela Omayra Yarzagaray a siña e muchanan con pa corta
nan, dorna nan y haci un scrap book.
Walter Mohammed, Security Manager na Paradise Beach Village y
miembro di comision medio ambiente di AHATA, a splica cu asina
aki a re-uza material. Un aspecto di medio ambiente cu nan a siña
ta con pa haci uzo bek di material.

AHATA tin e pensamento cu muchanan t’e futuro y pe motibo
aki AHATA a dicidi di pasa un par di dia cu e muchanan di YMCA
Dakota y San Nicolas, asina Vanessa Rasmussen, Manager Admin-
istrativo AHATA a expresa.
A haci esaki p’asina papia cu nan di kico ta turismo y a splica e
muchanan e importancia di esaki. AHATA tambe a splica nan riba
e importancia di cuida e medio ambiente di Aruba.

Dialuna 25 di september a cuminsa e programa na YMCA Dakota
cu 50 mucha entre 4 pa 9 aña. A bin cu e topiconan aki acerca y
e muchanan tabata encanta cun’e. Cada biaha cu tabata haci pre-
gunta e muchanan tabata hisa man, tambe a haci wega cu nan y a
ofrece nan un tayer.

Durante e tayer, e muchanan a bira un tiki mas consciente di e
importancia di re-uza loke cu tin na cas caba y no djis tir’e afo.
Na final di actividad muchanan a haya snacks, algo di bebe, regalito
y AHATA su saconan reuzable.

Diamars 26 di september AHATA a bishita YMCA San Nicolas y
a topa cu 50 mucha di 4 pa 9 aña, unda cu a papia cu nan tambe
riba e importancia di turismo, medio ambiente, a haci wega cu nan
y a haci tayer cu nan.

Diaranzon 27 di september tabata Dia Internacional di Turismo
y aki na Aruba turismo t’e unico pilar economico. AHATA cu ta
representa hoteleria y otro partnernan den turismo, kier a consci-
entisa e muchanan mas grandi cu ta atende YMCA Dakota y San
Nicolas tambe no solamente riba medio ambiente, pero tambe riba
e parti di turismo.
AHATA a organisa un evento special p’e muchanan di YMCA Da-
kota y San Nicolas di e edad 10 pa 16 aña na Alhambra Ballroom.
E programa a cuminsa cu apertura oficial dor di MC Giovanni Lew
Jen Tai, University of Aruba y miembro di AHATA su Comision
di Medio Ambiente sigui pa welcome words di Jim Hepple, CEO
di AHATA.
Jim Hepple tambe a splica kico t’e rol di AHATA den nos comunidad