Page 10 - CITGO
P. 10
Conhuntamente cu Ministernan Dangui Oduber, Andin Bikker y Otmar Oduber, lo bay
firma un MoU entre Aruba, Boneiro y Corsou.
E Fast Ferry lo conecta Aruba, Boneiro y Corsou via lama y na un prijs mas economico,
compara cu transporte aereo, cual tambe lo contribui na crecemento turistico pa nos
isla. Como tal mester firma acuerdonan entre e islanan ABC pa asina e proyecto aki por
bira un realidad, como cu e ta representa un beneficio no solamente pa Aruba, pero
tambe pa nos islanan ruman.
Estudionan di logistica ta indica cu e localidad ideal pa un Fast Ferry na Aruba lo ta na
San Nicolas. Y esaki ta exactamente unda nos Gobierno lo construi e waf pa e Fast
Ferry.
Construccion di un waf pa e Fast Ferry na San Nicolas lo stimula e crecemento
economico pariba di brug.
Creando cuponan nobo di trabao pa nos localnan, e proyecto di Fast Ferry pa Aruba lo
traduci den un incentivo mas den pro di nos economia, cual lo atrae tambe
inversionistanan local y internacional pa inverti den San Nicolas.
Den su compromiso pa trece un miho futuro pa San Nicolas y Aruba en general,
Minister Chris Romero ta trahando incansablemente pa sigui bin cu proyectonan cu lo
beneficia nos comunidad den tur aspecto posibel
