Page 27 - Awe Mainta

AWEMainta Diamars, 03 November 2015 27

Exitoso curso Purchasing-& Inventory
Management presenta pa B&P
Interface Aruba

RECIENTEMENTE B&P/Interface Training & Consultancy

a organisa un curso “Purchasing & Inventory Management” cu
tabatin un duracion di 18 ora. A participa varios empleado di
diferente empresa den sector priva na Aruba.
Awendia cu e crisis economico global y forsa di compra cu ta
bahando, y cu un competencia pisa cu ta lantando cabez na
Aruba, ta importante pa bo controla bo inversion y bo compra.

B&P Interface a organisa un curso Purchasing Management
y Stock Management. Den e epoca aki, purchasing mescos cu
mercadeo y benta di e producto ta forma parti di e maneho
strategico di bo organisacion. Ta pesey e criterianan cu ta
wordo poni n’e persona cu ta traha den Departamento di
Purchasing a bira mas pisa.
Cu Purchasing Management bo ta baha inversionnan haci’e
den compra y cu Stock Management bo ta logra un bon maneho
di bo inventario, cual ta resulta den un resultado positivo di
ganashi pa bo compania.

Den e curso practico aki purchasing ta wordo aserca for di
e punta di bista comercial y tin como meta pa engrandese e
ganashi di e compania.
E curso aki a wordo presenta pa B&P Interface bou di guia di
sr. Elvis Zichem. Participantenan cu a termina e curso aki cu
exito ta: Marianela Arends, Joward de Cuba, Shelly Thodé,
Diederick Robles, Rick Engelbrecht, Dorothy Albertsz, Dennick
Franken, Myron Winterdal, Vanessa Olive, Ashwin Laaf,
Manuel Ramos, Arlene Croes y Omar Tromp.
E studiante cu e cifra mas halto tabata Diederick Robles, kende
a score un 9.4 p’e examen. Un palabra di felicitacion ta bay na
tur e participante nan cu e mensahe pa pone bek den practica
locual a wordo siña.

Graduacion
Thalysia
Hessen

THALYSIA Hessen a defende su scriptie y asina termina

su estudio Master Rechtsgeleerdheid in het Arubaans
recht na Universiteit van Aruba. E ta haya felicitacion di
su mayornan, ruman y demas famia y amigonan.