Page 39 - Djamars 26 yuni 2018.pdf

Djamars 26 Yüni 2018 39

Kontinuashon di pagina 38
Nashonnan Uní ta hasi
Gobièrnu di Kòrsou, ku
esaki, ta duna kontenido na
e kompromiso ku el a a hasi
na sèptèmber 2015.
Kòrsou huntu ku
diferente pais mas a hasi
un kompromiso hopi
importante pa traha riba
un agènda 2030 pa ku e
Sustainable Development
Goals “SDG’s, ku ta e
Metanan pa un Desaroyo
Duradero.
E agènda ta basá riba
“Universality”: ku ta nifiká
aplikabilidat general i
mester ta relevante pa tur
gobièrnu. “Integration”:
integrashon sosial,
ekonómiko i dimenshon
duradero mester ta den
balansa.
“No one left behind”:
Niun hende mester keda
ekskluí. E agènda 2030
ta un agènda ekstenso
i kompleho pa un isla
chikí ku limitashon di
rekurso i ku ta konfrontá
ku vulnerabilidatnan
ekonómiko i ambiental.
E agènda 2030 aki ta
duna nos un vishon komun
pa futuro i e hèrmènnan i
mekanismo pa yuda nos,
manera tur pais pa plania
pa un término largu.
Kòrsou tabata un di e promé
paisnan ku a integrá e SDG’s
(Metanan di Desaroyo
Duradero) den su Plan di
Desaroyo Nashonal.
Ku e enfoke di
implementashon di término
medio kòrtiku a pone e
prioridat riba SDG4 ku
ta kalidat di edukashon.
SDG8 ku ta trabou digno
i kresementu ekonómiko,
SDG7 ku ta energia
aksesibel i limpi, SDG14
ku ta bida bou di awa. E
gobièrnu aki ta agregá unu
di prioridat mas haltu SDG1
ku ta sin pobresa.