Page 30 - MIN.TTC JAN 27,2015

Betico riba Plaza Betico. Diadomingo atardi a tuma lugar riba Plaza Beticos Croes un ceremonia
protacolario, unda Minister Oduber hunto cu Gobernador di Aruba,

colega Ministernan y yiunan y nietonan di Betico Croes (q.e.p.d) tabata presenta pa brinda omenahe na e
gran estadista aki.

Minister di Cultura a mustra durante si discurso riba e importancia pa usa un fecha manera 25 di januari
pa reflecciona riba e lucha cu a wordo hiba pa e logro di Aruba su Status Aparte y pa por dune un
contenido real.
Historia ta algo cu tin e spacio pa tur esnan cu a forma parti di loke mester bira e base di e reconocimento
di e trabounan cu a wordo haci y tin espacio pa tur cu a traha pa yega na e punto unda nos ta awe,
Minister Oduber a bisa.
Ta hopi importante pa tur cu tey awe traha y conserva loke ta e identidad di nos cultura, cu ta e orguyo di
ta un Arubiano.
Danki na e lucha cu a wordo hiba y pa e libertad di e isla aki awe nos por bisa cu nos ta biba riba un pais
cu yama Aruba. Un pais chikito den su tamaño pero grandi pa e cosnan cu ta wordo haci pa e bienestar di
comunidad di Aruba.
Ta hopi importante pa cada un cuidadano yuda pa conserva e pais aki y pa percura cu e mesun idealismo
cu a wordo carga tempo di e lucha pa e Status Aparte wordo conserva pa futuro generacionnan.
Ban pone nos dilanti cu nos tur ta uni bou di e bandera, e himno y e escudo ey pa bisa cu nos ta hala tur
diferenca un banda y nos ta percura pa por carga e nacion aki manera e la wordo bisa pa Sr. Betico Croes
“Si mi mester cay na caminda, carga e bandera y sigui cu e lucha” y ban haci esaki pa e comunidad
Arubiano, Minister Oduber ta bisa.
Despues di e acto ceremonial a continua cu un manifestacion cultural cu cu a conta cu presentacionnan
musical y folklore, unda un masa grandi a demostra nan sosten na Aruba su cultura.