Page 49 - MIN SJA 17 OCT 2015
P. 49
Mary Joan Foundation a duna un excelenten charla di conscientisacion na e alumnonan di
Filomena College mavo
Friday, 16 October 2015 16:06
Comparti
Luna di october ta e luna di conscientisacion di cancer di pecho y Mary Joan Foundation a prepara un
tremendo charla di 30 minuut pa e hobennan y Filomena College mavo tabata un di e scolnan cu a haya
oportunidad pa presencia e charla educativo aki.
For di oranan trempan di diahuebs mainta, e dama dinamico Consuela , un trahado social cu ta forma
parti di team di Mary Joan Foundation, a inicia su charla, unda cu cada 45 minuut, tabatin algun klas ta
bin den lokaal 1 di Filomena College mavo pa presencia e presentacion. Un presentacion hopi educativo y
relevante, cu e informacion adecua y riba nivel di nos hobennan. Na final di dia, un promedio di 300
alumno a haya e informacion necesario tocante cancer di pecho, unda cu un cantidad toch considerabel a
indica di a yega experiencia e malesa di cancer di cerca y hasta a perde un of mas ser stima.
E malesa di cancer, specialmente cancer di pecho, ta azotando nos isla y mundo henter y no tin nada miho
pa cuminsa inculca conscientisacion for di trempan, ya cu hopi ta e casonan cu door di no pone atencion
na algun señal na nan curpa, a bati na porta di dokter laat, cu e consecuencia cu no por haci hopi mas pa e
personanan ey.
E alumnonan tabata hopi interesa den e topico y a haya informacion al caso, ya cu realidad ta, cu hopi
biaha nan no ta combersa di e topiconan aki na cas, esey ta algo cu e hobennan mes a indica. Tipo di
combersacion asina ta di sumo importancia y como mayor y educador, nos tin cu percura pa crea
oportunidad pa combersa di e topiconan aki tambe.
Filomena College mavo ta gradici Mary Joan Foundation pa e oportunidad aki, specialmente na e dama
Consuelo cu a sa di mantene e atencion di alumnonan durante henter su presentacion y duna nan un
excelente informacion educativo riba e topico di cancer di pecho.
Na final di dia e team dinamico di Filomena College a crea un mensahe cu e alumnonan pa e damanan
fuerte, cu ta bringando e malesa devastador aki, cu Filomena College mavo ta uni na nan lucha y
conscientisacion y ta admira nan pa nan curashi y balentia. Un coordinacion completo di e ‘innovatie
team’, unda cu a uza alrededor di 275 alumno y 20 docente pa saca un potret, danki na Armando
Goedgedrag y su famoso drone.
Finalmente e alumnonan ta haci un apelacion na tur hende pa nan ta consciente di nan curpa y pa ta
alerto pa tur señal y pa hiba un bida mas saludabel, pa asina purba di blokea e malesa aki.
