Page 40 - AHATA

Varadero Aruba cla pa inicia proyecto di

revitalisacion di Palm Beach

Posted on 05/29/2018 5:38 pm AST | Updated on 05/29/2018 5:39 pm AST

ORANJESTAD - Despues di 2 aña di planificacion , Varadero Aruba ta cla pa cuminsa
cu un proyecto grandi cu tin como meta pa revitalisa y restora e beach area entre Playa
Linda Beach Resort y Moomba Beach. E projecto ta uno cu varios hotel ta anticipando pa
basta tempo, como cu e lo mehora e calidad di e beach, cu a haya basta dan?o ocaciona
door di Orkaan Matthew na 2016. Aruba Tourism Authority cu ta boga pa mantene e
nivel y calidad di nos turismo, a haya necesario pa e proyecto aki wordo ehecuta.

Meta di e proyecto aki ta pa revitalisa e beach, den otro palabra remove e lodo cu tin na e
fondo di lama y pomp santo nobo den e area. Esaki lo wordo haci cu un machine
profesional di draga (dredging machine) cu lo traha for di un distancia di 1 km leu for di
tera. E area lo wordo parti den 6 seccion di 50 pa 80 meter cada un. Cada seccion na su
turno lo wordo sera cu hekwerk y lo tin borchinan di aviso pa usuarionan di nos Palm
Beach por tuma nota di e trabou andando. E area cu mester draga ta grandi y pesey a
separe den diferente seccion y mas importante ainda, mientras ta traha riba un seccion, e
otro areanan lo ta habri pa uzo. Un punto clave y di sumo importancia ta pa no afecta e
beach experience cu ta un di e motibonan primordial di nan bishita na nos isla.