Page 12 - AM201006

12 AWEMainta Diamars, 6 October 2020

Cruz Cora masha activo den fin di siman

CU e yobida fuerte den fin di siman, Cruz Cora Aruba a

mobilisa mesora pa asisti na casnan afecta pa awa. Via

Alarm Central a drenta algun peticion pa yuda cu dak y
tambe pa yuda saca awa for di varios cas.

E disaster team di Cruz Cora mesora a haci un yamado
na boluntarionan pa bin mesora y por cuminsa mobilisa

y duna asistencia unda por.

Tambe mesora a tuma contacto cu De Palm Tours y

ABC Tours, kendenan semper ta colabora cu nan jeeps y
chauffer p’asina por transporta e boluntarionan te unda

nan mester yega.

Cruz Cora Aruba ta hopi agradecido p’e sosten aki di e
dos companianan aki, cu semper ta pendiente y mesora

ta manda nan jeeps.

Asina por a yuda drecha dak cu lona na varios cas, yuda
saca awa y tambe por a sigui cu e trabou diario durante

Covid-19, cu t’e Meals on Wheels, entregando e cumind-

anan cayente na tur esnan cu ta ricibi esaki tur dia.

Cruz Cora kier gradici ABC Tours, De Palm Tours y tur
boluntario cu a colabora p’asina por a cumpli cu tur trabou!