Page 16 - AM220922
P. 16
Deporte AWEMainta Diahuebs, 22 September 2022
Elliott Loonstra PLY ta trece medaya
pa Aruba di e ‘Pan Am Series’
lliott Loonstra PLY a participa na
E e di tres ‘Para Pan Am Series’ na
Sao Paulo, Brazil dia 15 di september
2022. E evento a tuma luga na e ‘Cen-
tro Deportivo Paralimpico Brasileiro’ y
tabata tin participacion di 11 pais di
e regionnan Pan Am, Europa y Asia.
E evento aki tabata exitoso pa Elliott
Loonstra PLY como cu el a gana e me-
daya di brons.
Loonstra su prome pelea tabata contra
di Colombia y di un principio e tabata
tin bentaha. E pelea e termina na
fabor di e team di Aruba asina hibando
nan pa e semi final contra di Brazil.
E pelea semi final contra e Brasilero
a cuminsa cu Elliott Loonstra PLY na
bentaha pero na final a termina na
fabor di e Brasilero cu ultimamente a
bira campeon di e competencia. Elliott
Loonstra PLY a logra yega podium den
e competencia aki, haciendo esaki su
di dos medaya di brons pa e aña aki.
Cu e resultado aki, Elliott Loonstra
PLY su ranking mundial ta mehora y
e ta posiciona su mes for di 10 pa di
7 luga poniend’e den un bon posicion
pa e competencianan otro aña na
Santiago, Chile.
E siguiente competencia pa Elliott
Loonstra PLY y su team lo ta na e
‘World Para Grand Prix’ cu lo tuma luga
na Manchester, Inglatera na october
binidero. Elliott Loonstra PLY a wordo
invita pa e ekipo nacional Mexicano
di Para Taekwondo pa entrena hunto
cu nan na CNAR (Centro de Alto
Rendimiento) na Mexico. Pronto Elliott
Loonstra y su coach Luciano Mazzeo lo
ta biahando cu speransa di por logra
podium na Manchester, Inglatera.
Elliott Loonstra PLY kier duna recon-
ocimento na su famia, CEMEDAR
(Centro Medico Deportivo Aruba),
BodyZone Fitness y Roro Fitness pa
e apoyo duna na dje durante di su
preparacion.
16
