Page 93 - MIN JUS

Na Sint Maarten, hues a dicta cu e politico cu paga pa voto, tin cu bay cera den prison pasobra esaki
ta un echo coruptivo y ta castigabel.

E mesun reglanan di ley ta conta pa Aruba tambe. Por lo tanto, ta di sumo importancia pa ningun

ciudadano cay den tentacion di ningun politico y laga nan paga bo pa bo voto pasobra e hecho
castigabel aki ta conta pa ambos, esun cu cumpra y esun cu bende su voto. Ambos ta bay cera den
prison.

Un otro fenomeno cu ta wordo comenta ta cu ta bay pidi hende pa vota cu identidad falso of hende cu
nan sa cu no tin derecho di voto pasobra nan no ta naturalisa dus no tin paspoort hulandes,
sinembargo ta bay vota pa asina haya pago for di Partido AVP. E hendenan cu ta bay vota cu
identidad falso, ta haya castigo mas halto ainda cu esun cu wordo paga pa su voto.

Partido MEP ta alerta pueblo votador cu esaki nan ta actonan castigabel pa ley cu castigonan largo di
prison. No cay den trampa di AVP. No laga nan paga bo pa bo voto. No laga ningun hende cumpra

bo voto y intimida bo of gaña bo cu promesanan falso. No permiti AVP uza bo pa actonan ilegal.

Nos tur tin derecho di voto. Nos voto ta sagrado. Laga nos tur uza nos derecho responsabel. 22 di
September, sali vota pa e partido cu tin solucionnan pa e pais aki. Deposita bo voto di confiansa den
partido MEP. E promesa di nos pa cada ciudadano di Aruba ta cu nos lo traha di un manera integro

pa trece cambio pa nos pais.