Page 5 - AM210105
P. 5
Diamars, 5 Januari 2021 AWEMainta 5
Durante control pa molester di auto, Polis a haya
dos arma di candela den posecion di 2 hoben
DIADOMINGO atardi Polis a haya informacion di un Toyota Tercel haciendo
maniobranan iresponsabel riba caminda na Sero Patrishi. Un unidad cerca
mesora a bay tira bista pa mira si ta topa cu e auto aki.
Den algun minuut buscando den e cayanan di Sero Patrishi, patruya di Playa a
topa cu dicho vehiculo, sin plachi number. Esaki tabata net dilanti Sero Patrishi
267.
Durante cu e agentenan a pidi pa takelwagen y bay over pa controla e dos
hobennan a bin haya dos arma di candela den nan poder.
Esaki a pone cu mesora a detene ambos hoben y confisca un rugtas y zijtas
posiblemente conteniendo e armanan y mas cosnan ilicito.
Dos transportwagen a presenta unda cu a transportanan separa pa warda di
Playa, unda cu Recherche a wordo notifica di e caso y lo mester continua cu e
investigacion.
Pregunta ta, unda y con e hobennan aki ta yega n’e armanan peligroso aki.
