Page 63 - MIN ON

Recientemente Famia Hugo y Gwendeline van Trikt-Rojer a ricibi e grato noticia

cu nan jui muher, Kiara Nikita van Trikt a gradua y lo ricibi su bul como Dentista.

Presentashon di su bul y juramentashon cu orguyo y hopi emotion a wordu

presencia pa su mayornan, ruman, famia y amigonan.

Kiara a caba su VWO na Colegio Arubano na 2011 y a dicidi pa continua su

estudio como dentista na Universidad di Amsterdam, cual estudio ta di 6 anja
total. Na 2014 e a ricibi su Bachelor’s y awor su Master’s. Alavez Kiara a haci su

buitenlandse stage na Indonesie.

Banda di su estudio semper Kiara a keda practica su deporte favorito cu ta

landamento synchronza y cu a brinde varios oportunidadnan pa retonan

competativo y determinashon positivamente representando Aruba

Internacionalmente y asina tambe e a goza di e titulo extra ordinario di topsporter

na su Universidad.

Sigiendo paso di su tata, Dentista Hugo van Trikt, e ta drenta servicio na Van

Trikt Dental Aruba y ta forma parti di e equipo profesional cu dedicashon pa nan
pashentnan pa sigi brinda nan servicio optimal na tur aseguradonan di AZV y

aseguradonan Particular y na henter communidad di Aruba.

Nos ta felicita y desea Dentista Kiara van Trikt hopi exito den su carera

profesional y ta orguyoso di nos jui di tera cu ta regresa Aruba.