Page 2 - AWEMAINTA

2 AWEMainta Diabierna, 13 Juli 2018

Den un accidente cruel

Aruba a conoce su di 3 y 4 morto

tragico ayera madruga

DESPUES di varios dia tin un accidente
fatal, ayera madruga e di 3 y 4 morto a keda
registra. Un cos ta sigur, cu e motociclista
tabata bin cu un velocidad masha duro
mes, por ta keriendo cu caminda tabata
p’e so.
Si analisa e impacto, unda e moto a dal
den e auto, practicamente corte na dos,
ta suficiente pa bisa, cu lo tin morto. Y e
biaha aki, dos den un solo biaha.

Ayera diahuebs madruga pa 3:23 Central
di Polis a haya yamada di un accidente
hopi grave na Shaba na altura di Sun
Shade Optica.
Na yegada di patruya policia a pidi pa
ambulance di biaha, mirando e situacion
di e victimanan n’e lugar di e susedido.

Loke por a compronde cu e auto Nissan
Sentra blau, biniendo direcion zuid lo
mester a crusa na momento cu un bromer
Hayabusa color blanco ta bayendo
direccion noord.
E impacto tabata hopi fuerte na unda cu e
chauffeur di auto a keda den e auto y esun
sinta na banda a keda riba caminda hunto
cu e motociclista.
Ambulance ta yega n’e sitio y no por haci
nada p’e dos victimanan cu tabata riba
caminda.

A pidi specialista di trafico tambe BFTO,
Slachtofferhulp y tambe Bomberonan pa
presenta pa duna un man.
Dr. Texeir a yega n’e sitio di e susedido y
a constata morto pa 4or di e victimanan.
Ta trata di Wendell A.R. de LEEUW, naci
25 december 1995 (22 aña) na Aruba y
Dyllon A. LOURENS (e motociclista)
naci 1 october 1995 (22 aña) na Aruba.
E chauffeur di e Nissan ambulance a bay
cune cu urgencia pa hospital, unda el a
keda interna den ICU. Sin embargo den
oranna di atardi a wordo informa cu su
situación a mehora y el a wordo saca for
di ICU.
Cu e dos victimanan di ayera mainta ta
bira e di 3 y di 4 morto den trafico pa
2018. AWEMainta ta manda palabra di
condolencia na famia di e fayecidonan.