Page 24 - UTILITIES

Segun Anselmo Pontilius, no mester lubida cu no tin negociacion di un contracto

colectivo. Ta mas con e partidonan tin cu traha cu otro. Na e momento ey a pone un

documento riba mesa, den cual cu e sindicato mayoritario tin un acuerdo cu e dunado di

trabao, den cual tin e representantenan na pia di trabao, shopstewardnan cu tey. Gerencia

ta bisa cu e ta reconoce esey awor aki. No por otro tampoco, segun mediador. Y e punto

cu tin ta cu e sindicato ta bisa cu no mester condiciona nan pa firma un documento cu tin

di haci cu un reorganisacion. Riba e parti aki a haci un apelacion riba e sindicato pa bay
wak e documento y manda informa gerencia cua ta e puntonan cu nan no ta kere cu nan

por acepta den un documento asina.

Mediador di gobierno solamente ta un institucion cu por yuda guia e partidonan. Pero e

no por impone nada. Si e pregunta lo ta tambe, cu si nan no firma nada, mucho cos no lo
por pasa. Den sentido cu tin un contracto colectivo vigente. E dunado di trabao ta respeta

e contracto colectivo aki. Si e no ta respet’e, e trahadonan por tuma pasonan legal y

inclusive accion, cual no ta e caso awor aki. Tin e discusion riba e reorganisacion. Den un

reorganisacion por duna conseho, cual a duna tambe, pero no tin caminda pa impone

nada.