Page 49 - MIN TTC 17 NOV 2015

Reunion entre MUSICA, SMAC y Minister Otmar Oduber a
bay bon

Monday, 16 November 2015 19:49
Comparti

Presidente di e organisacion MUSICA, sr Clyde Burke, a mustra satisfecho despues di un reunion dialuna
mainta yama riba peticion di Minister diCultura sr Otmar Oduber, hunto cu e organisacion SMAC.

Esaki pa trata di yega na un entendimento riba organisacion di e Caiso & Soca Festival di otro aña pero
caminda den fin di siman a surgi diferente discusion riba social media relaciona cu e evento aki.
Sr Burke a mustra cu e reunion di ayera mainta, tabata e prome di un serie di reunion cu mester tuma
luga entre e dos organisacionnan aki, pa asina determina con e festival aki lo wordo organisa otro aña, na
unda esaki lo tuma luga y kende lo organisa esaki.
No ta facil pa hinca organisacion di un festival asina den otro y Presidente di MUSICA a mustra cu hopi
hende ta kere cu e evento aki ta uno manera un webo di oro, pero cu esaki no ta e caso, mirando e hecho
cu ainda tin debenan for di 2014 pa paga ainda na musiconan, ya cu nunca nan a ricibi e premio
corespondiente.
E reunion di ayera mainta tabata pa discuti y atende tur loke a bay bon y loke a bay malo tambe pa yega
na un palabracion concreto y evita cu tin expresionnan ta wordo haci cu no mester a wordo haci caminda
tin hendenan ta pone cosnan riba social media di otro hende sin cu nunca papia prome cu e hendenan aki
pa haya sa kico ta berdad of no.
Sr Burke a mustra cu e concepto general cu tin cu tur cos ta cana bon cu e festival aki ta net lo contrario
manera e evento di aña pasa no a bay bon manera tur hende a kere y ainda tin cu atende cu e gastonan di
e tempo ey y lo tin cu traha hunto pa saca e evento dilanti y esaki tin cu tuma luga dor di baha gastonan
demasiado halto y asina trata di yega na un evento cu ta sirbi interes di tur hende.
Pa loke ta e hecho cu a aumenta e premionan pa e ultimo festival di 2015, sr Burke a mustra cu riba esaki
a reuni cu tur musico caminda a bay di acuerdo pa elimina algun premio cu tabata wordo otorga pa asina
por yega na un suma mas grandi pa premionan mas grandi.
Presidente di MUSICA a mustra cu organisacion di e festival ta cargando ainda un debe grandi di un dos
aña pasa y pa tal motibo tin cu traha duro pa asina soluciona e aspecto negativo aki pa asina sigui dilanti
despues.
Sinembargo tin varios asunto cu mester wordo atendi caminda mester concentra riba e aspecto pa baha
gasto innecesario y asina soluciona e problemanan aki y aki entre otro sr Burke a mustra cu pa organisa e
festival na Carnaval Center lo nifica cu mester hiba gasto grandi adicional pa cera e luga aki ya cu ta trata
di un centro habri y tin cu sigui discuti pa mira na ki palabracion lo yega finalmente.
Pa loke ta pago na musiconan sr Burke a mustra cu pa loke ta e festival di 2015 tur musico a ricibi nan
pago pero cu ayera dialuna e organisacion mester a ricibi un suma di placa for di Gobierno cu cual suma lo
atende cu e gastonan bieu cu tin cu musiconan y asina e Presidente di MUSICA cumpli cu loke el a
priminti tur miembronan di e organisacion, esta cu e lo percura pa tur hende haya loke nan tin derecho
ariba y e ta kere cu pronto e lo cumpli cu e promesa aki haci na musiconan.
Na mes momento Clyde Burke a mustra cu e ta aplaudi e intervencion di Minister di Cultura Otmar
Oduber y cu den proximo dianan lo sigui cu mas reunion pa atende tur asunto pendiente y mira con ta
regla e aspecto di organisacion di e evento pa 2016.
Ainda falta algun decision concreto pa yega na dje pero e Presidente di MUSICA a mustra cu e ta kere den