Page 8 - AAA

Aruba den top 7 di islanan mas ‘safe’

den Caribe e winter aki

Posted on 12/26/2017 3:36 pm AST | Updated on 12/26/2017 3:36 pm AST

ORANJESTAD – Aruba ta den e top 7 islanan den Caribe cu ta mas safe pa biaha.
Asina e portal Culture CheetSheet ta raporta e siman aki. Segun e porta, tin varios
lista cu ta mustra cua isla den Caribe ta entre esnan mas miho y pio pa bishita. “Ta
casi imposibel pa label un isla esun mas safe den Caribe, ya cu tin diferente factor
cu ta relata na seguridad” e autor di e articulo riba e portal ta bisa. Fuera di Aruba,
tin e islanan Cayman, Anguilla, St Barts, Martinique y Guadeloupe. A mustra riba e
problema di horcan cu a afecta hasta algun isla gelabled como sigur. Entre nan tin
Barbuda y Puerto Rico.

ARUBA

Segun e articulo, e loke ta distancia Aruba ta entre otro e localidad, den sentido cu e no ta
den e zona di horcan, aunke cu esaki por keda disputa. “Peliger pa desastre natural ta hopi
abou” e articulo ta sigui bisa. E crimen mas popular tabata den 2005 cu e desaparicion di
Natalee Holloway aunke cu nunca por a comproba un crimen. Ta relata cu e tipo di robo
ta esunnan ‘chikito’ unda cu ta raporta hortamento den un auto cu no ta gelocked. Pero
fuera di esey, ta label Aruba como hopi safe.

AAA a yama bonbini na Delta su buelo

inaugural di Minneapolis

Posted on 12/27/2017 12:02 pm AST | Updated on 12/27/2017 12:03 pm AST

ORANJESTAD – Empleadonan di Aruba Airport Authority N.V. (AAA) presenta na
aeropuerto tabata contento di por yama binbini na un otro buelo directo mas cu Delta ta
ofrece, e biaha aki e ruta pa e temporada di winter: Minneapolis – Aruba. E pasaheronan
di Delta a wordo ricibi cu un toke di aprecio ora cu nan baha for di avion.

CEO di AAA Sr. James Fazio orguyosamente a yama bonbini na e buelo: “Esaki ta un
dia pa celebra, pasobra cu e servicio nobo di Delta nos ta brindando opcionnan adicional
di calidad pa nos pasaheronan. Esaki ta un momento fantastico, pasobra den winter ta
probablemente un di e mihor momentonan pa ta riba nos isla. Pasaheronan di e area
Midwest di Merca tin hopi confianza den e aerolinea y nos ta convenci cu nos lo yama
bonbini na buelo adicional di Delta for di Minneapolis pa Aruba den future.”