Page 3 - AUA BANK APRIL 17

Premio special pa dorna fli cu e emblema di “90 Aña di
Aruba Bank”

Thursday, 16 April 2015 21:59
Comparti

Aruba Bank ta sigui contribui na actividadnan sano pa henter famia, cu un sosten valioso na e evento
“Kite Slam 2015”. Esaki no ta e prome aña cu e banco ta forma parti di e actividad cultural di Sport Club
United.
Aruba Bank ta invita participantenan pa dorna nan fli, demostrando nan creatividad uzando e emblema
di “90 Aña” di Aruba Bank y asina participa pa gana diferente premio. Esaki ta e competencia di fli mas
grandi na Aruba, cu ta conta tambe cu apoyo di SETAR y Ministerio di Cultura.
Tur aña tin expertonan y famianan cu un tradicion di traha fli cu ta presenta e creacionnan di mas
fabuloso. Anualmente e evento aki ta atrae un publico masha grandi cu hisamento di fli den diferente
categoria, pa mucha y hende grandi, flinan cu luz anochi y presentacionnan di flinan mediano, grandi,
gigante, y unico.
Kite Slam 2015 ta tuma luga riba e veld di Sport Club United, patras di Misa di Noord. Marca bo kalender
pa bo no perd’e: dia 24 di april for di 7’or di anochi pa 12or di marduga, y riba dianan 25 y 26 di april for
di 9’or di mainta pa 8’or di anochi. Riba diabierna ta tuma luga e competencia di fli cu luz; diasabra ta
dedica na flinan mediano; diadomingo ta e dia di flinan gigante.
Riba dia 25 di april Aruba Bank lo scoge e ganado di e tres premionan cu e logo di “90 Aña” di Aruba
Bank.

http://www.24ora.com/local-mainmenu-5/94183-premio-special-pa-dorna-fli-cu-e-emblema-di-90-ana-
di-aruba-bank