Page 24 - MIN.SJA SEPT 1,2015

30 AWEMainta Diamars, 1 September 2015

Magnificat-Brasil,
Maria, Strea di
Speransa, cu
brunch y testimonio

MAGNIFICAT ta un ministerio di hende muher pa hende muher Catolico

cu capitulonan rond mundo.
Na Aruba capitulo Magnificat-Brasil “Maria, Strea di Speransa, ta existi
desde 2011. Nan Director Spiritual ta Pastoor Jairo Maduro.
Un di e funcionnan principal ta dunamento di testimonio di un hende muher
durante un comemento. E oradora ta testigua di su experiencia di Dios su
amor personal pe y su obranan maraviyoso den su bida despues di a acepta
Hesus den su bida como su unico Señor y Salbador.
Asina nan ta ofrece un biaha mas e oportunidad pa damas topa otro y
comparti un rato ameno den un ambiente di Dios su presencia y amor y
alabes alaba y glorifica Dios y crece den nos relacion cu Cristo-Hesus.

Esaki lo ta diadomingo 13 di september 2015, na Hilton Hotel (ex Radisson
Hotel).
Ora: 10 or di mainta pa 2 or di merdia.
Oradornan invita ta: Gloria Gomez y Claudia Castorena.

BIOGRAFIA:
Tur dos a nace na Mexico ma ta bibando actualmente na Indio California,
USA. Como imigrantenan nan a experiencia pobresa. Gloria a dicidi for di un
mucha di apenas 12 aña pa bira un soeur religioso pa yuda hoben y pobernan.
Claudia tambe tabatin e deseo pa bira un soeur pa yuda principalmente
hobennan.
Dor di nan envolvimento cu hobennan den e mesun parokia di ‘Nos Señora
di Perpetuo Socorro’ na Indio, California nan dos a topa otro y a comparti
cu otro nan deseo pa bira soeurnan religioso.
Nan a bay join VISTA Volunteers (VISTA Boluntarionan). Nan prome
encargo tabata pa traha den Catholic Charities (Caridadnan Catolico) y
pronto nan a realisa e necesidad pa sirbi un cuminda cayente n’esnan sin
lugar pa biba na Indio.

Cu hopi fe den Dios y amor pa pobernan nan a lanta ’Martha’s Village and
Kitchen’ y despues ‘Galilee Center’.
Bin tende con nan a cuminsa esaki cu un donacion di un cuminda y $5,- y
e maraviyanan cu Dios a haci pa medio di nan.
Alabes nan a lanta Capitulo di Magnificat Indio California. Tur dos a tuma
votonan como laiconan comprometi. Hunto nan a scirbi e buki ‘Love, Faith
and Miracles’ (Amor, Fe y Milagernan).

Claudia ta toca gitara y ta dirigente di un koor pa misanan Spaño den Iglesia
di’ Nos Señora di Perpetuo Socorro’ pa mas cu 25 aña.
Nan ta bin Aruba acompaña pa 6 otro miembro di nan capitulo di Magnificat.
Nan testimonio sin duda lo inspira bo, renoba bo fe den Dios y sigur lo bo
sali yena cu Spirito Santo, kimando cu e mesun zelo manera nan pa Señor.
Tickets ta obtenibel cerca miembronan di Magnificat of por yama: Aura 584
1887, Angelita 584 3629, Trina 584 6188, Lucia 5622429, Cordilia 584
9575.No ta bende tickets na porta.