Page 16 - AM230112

16 COMUNIDAD AWEMainta Diahuebs, 12 Januari 2023

Un planta pa procesa

carni di galiña na San

Nicolas lo ta un empuhe

economico pa Aruba

urante Conseho Minister di Gobierno di Aruba cu a tuma luga na San Nico-
D las, Ministernan presente a ricibi diferente presentacion di proyec-

tonan na San Nicolas. Vernon Dennis Aventurin di Madam-Tye
Poultry procesing plant na Aruba a presenta su proyecto di
planta pa genera carni di galiña fresco na Aruba.

Sr. Aventurin a keda contento di a ricibi e oportunidad pa
presenta su proyecto na Gobierno di Aruba y el a expresa
di ta hopi satisfecho cu e forma con el a wordo ricibi.
Ademas e ta ansioso pa realisa e proyecto aki na San

Nicolas cu lo bira e prome planta di procesa galiña
na Aruba. Actualmente tin diferente compania cu ta
ofrece webo di galiña, pero un compania manera
esaki no tin, sr. Aventurin a agrega.

Realisando e proyecto aki, lo conduci na un
empuhe economico pa Aruba y lo contribui na
mas siguridad di cuminda pa e isla. Sr. Aventurin

su motto ta: “Eat what you grow and grow what
you eat” y e ta kere firmemente den esaki.