Page 54 - AHATA

Nan a haya un otro oferta. A haya contesta tambe riba preguntanan cu a haci siman pasa.

Aworaki a keda di haya contesta por escrito riba tur e puntonan cu a haci pregunta,

manera riba tax, trift plan, etc.

Tin si e parti cu pa loke ta e pakete cu ta den discusion cu no a bin mucho cambio. Pero si

a bin pa e diferencia cu tabata tin di parti di gerencia cu a bin cu un suma pa cera e

diferencia.

Segun e sindicalista, nan tin cu haya tur informacion tanto di parti di gerencia di CITGO

y di gobierno y RDA pa bay cerca e trahadonan mas pronto posibel.

E deadline poni inicialmente, a keda posponi pa e hendenan por firma y ta wak si por

haya un par di ora mas pa e ora e trahadonan tin mas tempo pa pensa y por combersa cu
nan y finalmente bay di acuerdo.

Ta kere cu ta saliendo for di tur e discusionnan aki cu e speransa cu awo por keda cla y di

biaha mira kico ta bay pasa cu e trahadonan.

SENTIMENTO ENTRE E TRAHADONAN

Dirksz a comenta cu e trahadonan tabata sperando riba un acuerdo. A sinti cu hopi

informacion no tabata bin dilanti manera cu a spera. A spera cu esey lo a bay miho. Awo

si ta hayando tur informacion cu mester pa por keda cla.

Di e informacionnan cu ta hayando aworaki, ta spera di por haya contesta riba tur e

preguntanan cu tin pa gobierno y RDA, pa sinta y reuni cu e trahadonan y yega na un

decision.