Page 22 - AWEMAINTA

22 AWEMainta Diabierna, 14 Juli 2017

Aruba a score un biaha mas den

“Festival del Talento y la

Belleza Internacional 2017”

na Republica Dominicana

DIASABRA ultimo, Aruba a score un biaha mas na e evento
cu yama Festival del Talento y la Belleza Internacional cu a
tuma lugar na Puerto Plata, Rep. Dominicana.
The Chaz Modeling and Talent School ta mandando muchan-
an di su scol cu a cualifica pa participa n’e evento aki ya pa
15 aña caba.
E aña aki The Chaz Modeling& Talent School a manda 4
participante, cualnan ta C’yannah Alberts den categoria Baby
Model International, Darienne Tromp den categoria Mini
Model International, Sheldry Boekhoudt den categoria Little
Face of the World y Josienne Maduro den categoria Little
Beautiful of the World.

Despues di un siman di hopi actividad y training nos muchan-
an a competi na un nivel halto y a sa di saca cara di Aruba.
Darienne Tromp a sa di conkista e titulo maximo di Mini
Model International 2017 y tambe e miho trahe di fantasia
den su categoria.
C’annah Alberts a conkista e titulo di 2do finalista den e
categoria di Baby Model International. Sheldry Boekhoudt
a conkista e titulo di Figurines Club Imagen Internacional y
tambe miho trahe di fantasia den su categoria. Josienne Mad-
uro a conkista e titulo di Rafael Rivero Imagen Internacional
y tambe miho trahe di fantasia den su categoria.

Aruba por ta orguyoso di su 4 talentonan hoben aki cu sigur
tin un futuro grandi nan dilanti den e mundo di beyesa, moda
y talento. Danki na un y tur cu a yuda e muchanan aki di
The Chaz Modeling & Talent School y sigur danki n’e apoyo
di e delegacion grandi cu a biaha pa apoya specialmente nos
muchanan.
Danki na nos reinanan saliente cu ta nos Baby Model Inter-
national 2016 Caithlyne Kock, Pre Teen Model International
2016 Stacey van Gaalen y Miss Teen Model International
2016 Shanty Kanhai pa nan tremendo trabou haci pa a pro-
mociona nos isla Aruba y tambe nos scol di moda y talento.
Danki tambe inmenso na Pawa Dominicana cu ta e aerolinea
cu a transporta nos delegacion cu un tremendo servicio.

Pa mas informacion y potretnan por “Like” nos pagina di Face-
book: The Chaz Modeling & Talent School. Keda pendiente
pasobra pronto The Chaz Modeling & Talent School ta bay
tin un casting buscando talentonan nobo y scondi!!!