Page 22 - FEB 24 DESPA

GKMB a percura pa EPB Santa Cruz wordo trata di nobo cu
materialnan preventivo

Tuesday, 23 February 2016 18:12
Comparti

Clayton Croes, hefe internino di GKMB, a splica cu scolnan ta cay bao di e luganan vulnerabel, cu ta un di
e taakstellingennan standard cu ta wordo controla.

Esaki ta cay den e mesun lista cu Wit Gele Kruis, Hospital, Santana, Casnan di Anciano, etc.. Luganan cu
sa cu tin un riesgo mas grandi. Por bisa cu loke ta e caso cu a pasa na EPB, ta un caso cu tabata conoci pa
GKMB. Nan sa cu den pasado caba tabata tin hopi problema cu e posnan di e scol. Esaki ta un situacion
cu ta pasa na hopi scol. GKMB ta haya yamada pavia di posnan habri, cual ta e caso cu a pasa na Santa
Cruz. Loke ta e caso awor aki, tin cu bisa cu den pasado, pa ta specifico, dia 29 di Januari, GKBM a haya
yamada di molester di sangura y a bay, a trata esaki, cual ta bata e pos, unda cu berdad e sanguranan
Coolex, cu ta biba den pos y cu en berdad tabata percura pa molester di sangura, segun rapport di GKMB.
E noticia a drenta cu e pos a cay aden, causando un holo hopi desagradabel y tabata tin sospechos cu lo
tabata tin sangura, mirando cu un pos, den e caso aki, no ta tiki cera, pero completamente habri. GKMB a
trata esaki tambe y mirando cu tabata trata acaba, a constata cu no tabata un problema pa loke ta
sangura.

Si a nota cu en berdad e tabata causa un situacion masha fastioso, mirando e holo y estado sanitario di
esaki, cual no tabata ningun tiki agradabel. Pa siguridad, a percura pa fumiga den e bario aki tambe, cual
a sosode e fin di siman aki y e scol a wordo trata di nobo cu materialnan preventivo pa si acaso tin
sangura, mirando cu ta un beeput habri completo. Esaki mester a wordo trata preventivo un biaha mas.
Por bisa cu loke ta GKMB y tratamento di sangura y preveni criadero, esey a wordo haci debidamente. E
klasnan a wordo fumiga preventivamente. Den e caso aki ta bay tin mucha den klas, dus den e klasnan
mes a wordo fumiga, meanera e standard protocol ta wordo uza pa tur scol. Semper ora cu haci tipo di
trabaonan aki, ta pidi pa ventila e klasnan por lo menos mey ora, caminda despues no lo bay causa
molester pa e siguiente dia di scol.

Esaki ta un trabao standard cu GKMB ta haci tur siman basicamente. Tin scolnan cu ta fumiga sea den
weekend of riba diabierna. Awendia cu ta hopi bezig cu casonan di zika, esaki a wordo trata den fin di
siman. Aparentemente por ta a pecura cu e ventilacion no a keda corecto. Pero ta un trabao standard cu
GKMB ta haci. Trabaonan a ser haci segun protocol. Pa loke ta sangura, esaki a wordo trata debidamente.

Croes a sigui splica cu e prome taakstellig ta contra sangura di pata planco, cu ta biba den cercania di nos
casnan, den criaderonan cu nos mes ta causa, manera hemchi, scoter bao di mata, unda cu e Aedis
Aegypti por nace y unda cu su populacion por yuda transmiti e malesa di Dengue, Chikungunya y

Zika. En berdad unda cu e trabao a wordo haci preventivo pa molester di sangura. Peliger cu e por ta
cualkier di e malesanan conoci, Aunke no tabata al caso, pero parti di e trabao di GKMB ta pa alivia
molester di sangura y sigur a percura pa tin un ambiente agradabel pa e muchanan bay scol. Loke ta
GKMB, e trabao pa e molester, a wordo haci. E atencion semper mester keda pa e Aedis Aegypti, cual ta e
sangura cu por transmiti e malesanan. Pero e situacion con e tabata na e scol no tabata agradabel y pa e
rason aki ta comprendibel cu departamento di salud publico a duna su recomendacionnan pa preveni cu
e muchanan lo bay scol den un situacion cu un holo desagradabel y peligroso si tin un beerput grand