Page 29 - ATA SEPT 21
P. 29
Aruba Tourism Authority cu Doug Lansky
como orador principal den cuadro di Dia
Internacional di Turismo
on: Monday, September 21, 2015In: LocalNo Comments
Print Email
Tur aña Aruba Tourism Authority (A.T.A.) hunto cu Ministerio di Turismo ta organisa un evento
pa tur su socionan como tambe tur studiantenan den e mundo den turismo, esaki pa conmemora
Dia Internacional di Turismo cual ta wordo celebra mundialmente dia 27 di September, segun
United Nations World Tourism Organization U.N.W.T.O.
E aña aki. A.T.A. a scoge como orador principal e autor y experto den biahe y turismo Doug
Lansky.
Doug Lansky lo ta orador durante e evento aki, cual na Aruba lo wordo celebra dia 23 di
September. E tema di su presentacion ta ‘Destination Marketing to Improve the Visitor
Experience and Marketing in the New Tourism Landscape’.
Ademas, A.T.A. na su turno lo presenta e plan y obhetivonan pa cu Aruba su turismo pa 2016.
Doug Lansky ta un Mericano cu ta bibando den exterior y a biaha pa mas di 120 pais den e
ultimo 20 añanan. E ta autor di 10 buki, cual ta inclui tres publicacion pa Lonely Planet y tres
buki pa Rough Rides. Ademas, e tabatin pa cinco aña largo un columna semanal sindica cu
tabata wordo publica den mas di 40 corant. E tabata anfitrion di un programa na Travel Channel
y tabata coresponsal pa e programa Savvy Traveler di Public Radio.
Mas recien, Doug Lansky a traha como redactor di destinacion y columnista pa Skift. Doug ta
conoci tambe pa su trabao cu National Geographic Traveler, Reader’s Digest, Esquire, Men’s
Journal, The Guardian, National Geographic Adventure y Huffington Post.
Di su experiencia enorme den e mundo di biahe, Doug Lansky a lansa un carera tambe como
orador y a duna presentacion nan na mas di 100 diferente universidad mundialmente, na e sede
principal di National Geographic y pa World Tourism Organization di Nacionnan Uni. E ta
activo tambe como orador na eventonan corporativo y pa cuater aña consecutivo e tabata un di e
oradornan cu mas a haci un impacto na I.T.B. Berlin.
Cu Doug Lansky como orador principal na e evento aki, A.T.A. tin confiansa cu e evento lo sirbi
pa informa, como alavez motiva y inspira.
Pa mas informacion tocante Doug Lansky, bishita www.douglansky.com.
