Page 20 - KPA 28 SEPT,2015

Persona haya sin bida na su cas na Modanza
Publication: Monday, 28 September 2015. Categoria: Policial

ORANJESTAD (AAN): Diadomingo den careda di 4’or di atardi habitante a yega na cas di
un persona den Modanza #5 y ora a bay paden a topa cu un hende homber benta abou kende no
tabata duna señal di bida y tabata na sanger.
Di biaha a notifica autoridad, caminda a despacha ambulancenan y polis. Paramediconan a
drenta den accion cla pa reanimacion pero mucho no por a haci. A topa cu un hende homber cu
su curpa full frieu caba locual ta indica cu lo tabatin algun ora morto caba.
Autoridad a cera e area y a notifica Recherche, Fiscal mr. Pronk y Departamento Tecnico pa haci
nan investigacion, pero tur cos ta indica cu ta trata di un morto natural.
Dr. Lin tambe a presenta na e sitio pa constata morto di Felix Rudolf Donata, naci na Aruba dia
20 di november 1955.
Hopi forza na e famia na e momentonan dificil aki.
http://www.diario.aw/2015/09/persona-haya-sin-bida-na-su-cas-na-modanza/