Page 24 - AM240926

24 COMUNIDAD AWEMainta Diahuebs, 26 September 2024

50 Aniversario Lily Gonzalez 1974-2024

DIALUNA 23 di September 2024, nos di DeWit & VanDorp
tabata tin e honor di celebra Sra. Lily Gonzalez su 50 aniver-
sario y como parti di e famia grandi di Jolley Holding Aruba.

E tabata un mainta cu yen di recuerdo, anecdota y hendenan
cu den un forma of otro a forma parti den e trayectoria di
e carera di Lily of cu Lily a sa di forma parti di esun di nan.
Gerencia, coleganan y famia a uni den e celebracion di e gran

logro aki.

Sr. Gilroy Tromp a comparti e storia di Lily su carera impresion-
ante cu DeWit & VanDorp Stores. Lily a cuminsa traha como

receptionista/Directie Secretasse te cu a asumi e puesto di
Recurso Humano di compania p’e ultimo 22 aña nan. Sra.
Joanne Croes a trece padilanti su admiracion y lealtad pa cu e
compania y su manera inigualabel pa maneha e personal. Un

momento emocional tabata ora cu Sr. Daroy Nunes a duna Lily
un danki grandi pa tur e aña dushi cu nan a traha hunto y ta
spera cu por sigui pa un tempo mas. Finalisando na nomber di
De Wit Stores y Jolley Holding Aruba Sra. Ica Jones a presenta

Lily cu un plakkaat y certificado pa conmemora su 50 aña di
servicio.

Nos di DeWit & Vandorp kier a enfatisa e importancia pa

sostene e crecemento di nos empleadonan. 50 aña no ta poco
tempo pero Lily a demostra cu respet, disciplina, perseverancia
y trabao duro sigur nos tur por yega leu den un compania.

Danki na tur e colega y famia presente awe p’e celebracion di
50 aniversario di Lily. Pabien, Salud y un Danki grandi Lily!