Page 30 - AM240926

30 COMUNIDAD AWEMainta Diahuebs, 26 September 2024

Studiantenan di Xavier University

cosechando experencia na Santa Rosa

DEN un estrecho laso di cooperacion y palabracion haci

den pasado Departamento di Agricultura, cria y Pesca
Santa Rosa a haci cu Xavier University durante di e siman
aki Departamento di Agricultura, Cria y Pesca Santa Rosa
tabata tin e placer di ricibi bishita di studiantenan di Xavier

University. E studuantenan aki ta di e facultad di Veterinario
cu ta na encargo di dr. RavindraVeeranna decano na Xavier
University. Nan ta cinco studiante cu ta den nan prome aña
studiando pa Veterinario.

Ta conoci cu Santa Rosa mes no ta disponi di un veterinario
den cas pa trata cu nos bestianan na momento cu na haya
un of otro dificultad malestar. Ta pa e motibo aki a conecta e

laso di cooperacion aki hunto cu Xavier Unisersity caminda
e stuidnatenan aki por cuminsa haya nan experencia con pa
atende cu bestianan aki cu tanto Cabrito, Carne y Baca.

Aki na Santa Rosa nan a wordo ricibi pa sr. Edward Berben
encarga cu seccion di Criansa di Bestia. E guia cu nan
a ricibi ta manera entre otro con pa identifica edad di e
bestia via di su djentenan. Identificacion di postura via di su

lomba, controla via bariga cierto malestar y asina por sigui
menciona.

Nan estudio como veterinario lo contribui grandemente cu

nos departamento pa cual ta regarda criansa di bestia aki
na Santa Rosa. Esaki lo ta e combinacion perfecto pa nan
por haya experencia tratando cu nos bestianan y nos lo por
haya tambe nan experencia como studiante di veterinario na

momento cu nos por tin un of otro dificultad cu malestar di
un di nos bestianan. Nan lo por yuda guia nos con pa atende
na momento cu un malesa presenta. Ki tipo di tratamento
e bestia mester. Con pa haci esaki na un miho manera. Con

pa combati cierto malesanan di plama y/of preveni esaki
na nos bestianan. Esaki sigur lo yuda nos departamento y
nos por comparti tur e informacionnan aki cu nos criadonan
di bestia local. Comparti conocemento pa un miho cuido y

criansa di bestia.

Di parti di Departamento di Agricultura, Cria y Pesca Santa
Rosa nos palabra di gratitud na Xavier University pa e bon

cooperacion cu nos ta ricibi y deseando e studiantenan tur
clase di exito den nan studio como veterinario. Nos ta sigur
cu nos por sigui conta riba e lasonan estrecho aki di coop-
eracion di cual ta na beneficio di tanto e studiantenan y

nos departamento y contribui cu Sector Primario di Aruba
educando nos criadonan local.