Page 37 - AM240926
P. 37
Diahuebs, 26 September 2024 AWEMainta 37
Santo di Dia
E rumannan dokter milagroso
Awe ta Dia di San Cosme y San Damian
DIA 26 di september Iglesia ta celebra
e memoria di San Cosme y San Damian,
dos ruman morocho cu distingui pa nan
generosidad y milagro como medico.
Naci na Siria den siglo III, a dedica
nan bida pa cura e enfermonan gratis,
ganando e titulo di “anargiro”, miho bisa
cu no ta acepta placa.
Cosme y Damian tabata cristian devoto
y a traves di nan practica medico, tabata
comparti e fe cu nan pashentnan. Nan
tabata dedica na obra curacion no sola-
mente pa nan habilidadnan sino tambe
mediante di intercesion divino, loke a
converti nan den figura hopi venera.
Nan a wordo martilisa durante e perse-
cucion di e emperador Diocleciano, pero
nan legado como patrono di dokter, boti-
cario y ciruhano a perdura a lo largo di e
siglonan.
Na hopi parti di mundo, dia 26 di
september ta honra nan ehempel di
servicio desinteresa y nan bida a inspira
esunnan cu ta busca ayudo di otro a
traves di ciencia y fe.
