Page 5 - WEB MRCH 23

Dia 22 di Maart ta Dia Internacional di Awa

on: March 22, 2016In: LocalNo Comments
Print Email
Riba un dia 22 di Maart ta un dia pa para keto ya cu mundialmente ta celebra dia internacional di awa pa
cual hopi hende ta traha den e tipo di negoshi aki rond mundo pa asina garantisa un miho calidad di
awa. Den un entrevista cu director di WEB NV, Luis Oduber ta splica cu esaki ta un dia special pa WEB. E
ta dia mundial di awa manera ya menciona. Esaki ta di 24 biaha cu Nacionnan Uni ta celebra e dia aki. E
ta un forma pa concientisa comunidad di e importancia di awa den tur aspecto mundialmente. E aña aki
a scoge e tema: Awa y empleo. Awendia casi mita di tur empleado na mundo, cual ta mas of menos 1.5
biyon di hende ta traha den sectornan relata cu awa. Casi tur empleo ta depende di awa y di esnan cu ta
sigura cu e suministro ta confiabel. Toch ta asina cu miyones di hende ta traha den e sector di awa, no ta
protehi pa e derechonan basico di labor. E tema di 2015, awa y empleo, manera menciona, ta enfoca
riba con eficiente y con suficiente cantidad y calidad di awa por cambia bida y porvenir y hasta e por
transforma sociedad y economianan den un pais den cierto sentido.
Danki na Dios cu Aruba no conoce scarsedad di awa y cu WEB por percurapa un calidad halto di awa tur
dia pa tur hende. Tambe ta contento di por ofrece e empleadonan un di e miho pakete y condicionnan
di trabao pa asina balora e importancia di nan trabao, esta e trabao di e empleadonan pa por provide
awa na nos comunidad y tambe na e economia di Aruba.
Sr. Oduber a haci uzo di e oportunidad pa felicita e empleadonan di WEB pa nan dedicacion y esfuerso
cu nan ta brinda tur dia pa por mantene e suministro na e poblacion di Aruba.
Segun sr. Oduber, Aruba su calidad di awa ta reconoci mundialmente y ta reconoci como un di e
mihonan. Nos awa ta di calidad halto y tambe e parti cu e ta asina facil pa yega na dje riba full e isla. No
tin bario cu no tin awa of caminda cu awa no ta yega. Distribucion ta riba full e isla y no ta tur caminda
tin e luho ey, aunke nos ta den 2016, ainda tin hopi pais cu tin cierto bario cu e infrastructura pa awa no
ta yega, Oduber a splica.
http://masnoticia.com/22-di-maart-ta-dia-internacional-di-awa/