Page 58 - AVP

Lider Di Fraccion Di MEP Rocco Tjon Formando Parti

Di Delegacion Di Reino Na New York

 Featured

 Politica
- 25/02/2020

E siman aki Rocco Tjon, lider di fraccion di MEP den Parlamento, ta forma parti di un
delegacion di Reino, representando Aruba na reunionnan na New York.

Dialuna ultimo nan a reuni cu representantenan di “UN-Foundation” y e “International
Crisis Group” y tambe cu profesionalnan di Nacionnan Uni riba e prioridadnan di Reino
dentro di Nacionnan Uni.

Den tur e 8 diferente reunionnan a wordo acentua e importancia di e “Sustainable
Development Goals” y combatimento di terorismo. Pero un prioridad grandi pa
Nacionnan Uni, cu ta sumamente importante pa Aruba tambe t’e enfoke cu nan ta bay
pone riba digitalisacion y con pa combati e menazanan cu e desaroyo aki ta trece cune.

Ayera y e resto di siman lo tin mas reunionnan na “UN Headquarters” riba seguridad,
retonan y solucion p’e desaroyo digital, problema di clima, con pa haya ayudo pa logra e
metanan sostenibel y duradero stipula pa Nacionnan Uni y e crisis di Venezuela.