Page 55 - MIN ECEM
P. 55
mercadonan. Asina ATA hunto cu otro socionan turistico a organisa un asina yama
“Renew your I Do’s Vow Renewal Event”.
Esaki ta un ceremonia di ‘renobacion di voto matrimonial’ cual evento lo tuma luga
mayan dia 8 di augustus benidero na e di tres playa di mas bunita rond mundo, nos
famoso Eagle Beach. E evento aki lo priminti di bira esun di mas grandi den su estilo den
e region di Caribe, cu participacion di mas di 100 pareha cu ta di bishita na Aruba y cu lo
probecha di ta kinan pa asina participa na e evento bunita aki. E evento a hala hopi
antencion internacional, muy en especial di e mercado Mericano pa medio di eventonan
di antesala riba medionan social y medionan tradicional utilisando e ‘hashtag’
#ArubaIDO. Esaki a dirigi un cantidad enorme di trafico na Aruba.com pa informacion di
e evento y tambe di Aruba como un destinacion romantico.
Aparte di e parehanan cu ta participando, e evento aki lo wordo captura pa medionan di
comunicacion y tambe asina yama ‘influencers’ di e niche di romance y industria di
‘destination weddings’ riba rednan social. Entrenan ta inclui portalnan importante manera
Roamaroo.com, cu presencia di Scott & Colette cu lo comparti nan experiencia y televisa
esaki riba Travel Channel y tambe comparti nan experiencia cu mas di nan 300mil
siguidornan riba rednan social.
Tambe e pareha aventurero Hanah y Adam Lukaszewicz di e popular website di biahenan
den pareha Getstamped.com, lo comparti nan renobacion di nan “Si” riba nos bunita
Eagle Beach riba nan pagina web y tambe cu mas di 382mil siguidor riba rednan social.
Ta un honor tambe di ricibi cobertura di e website number uno mericano di boda
Theknot.com cu un impactante siguimento di mas di 2.1 miyon hende. Nan lo
‘Livestream’ for di Eagle Beach y comparti cu mundo henter e romance cu Aruba ta
