Page 28 - HOH
P. 28
April 16, 2021
www.awemainta.com
www.facebook.com/awemainta
noticia@awemainta.com
583-1400
PROME BIAHA NA ARUBA,
HOH A HACI OPERACION
SINGLE PORT VATS
DEN tur e pandemia, tog tin noticia positivo ta tuma lugar
na Dr. Horacio E. Oduber Hospital. Dr. Horacio E. Oduber
Hospital tin como meta principal pa mehora e salud di cada
pashent. Y tin biaha cosnan extra special ta sosode den
kamber di operacion y e dia aki esey tabata e caso.
Dr. Tim Peterson hunto cu dr. Eric Vinck, tur dos ciruhano
na Hospital tabatin e mainta aki un operacion di pulmon y e
biaha aki pa prome bes a haci uzo di e tecnica yama “Single
– Port Video- assisted Thoracoscopic Surgery”.
Dr. Tim Peterson ta conta cu normalmente ta drenta den
e thorax pa medio di mas corta chikito, cual ta mas dolor
p’un pashent ora di mester recupera. Awendia tin otro tipo
di operacionnan inovativo, unda e meta prinicipal ta purba
haci e proceso di recuperacion menos dolor posibel.
Dr. Eric Vinck ta conta cu normalmente ora di opera pulmon
ta uza e tradicional corta mas grandi y esey ta haci cu e
operacion ta dura mas di un ora largo.
Dor di a haci uzo di un corta mas chikito, esta e “Single Port
Vats”, e operacion a dura total solamente 40 minuut.
Den e caso aki e operacion tabata uno p’asina por yega na un
diagnostico. Nan a tuma un parti di e pulmon p’e specialista
di pulmon haya informacion di e patologo pa nan por yega
na un conclusion kico e pashent tin y con ta bay trat’e.
Cu e hecho aki a keda demostra cu p’e pashent keda Aruba
y no mester bay afo leu di famia.
