Page 26 - AM 240909 2.1 final draft

26 SPIRITUAL AWEMainta Dialuna, 9 September 2024

E buskeda infinito
Pakico nos nunca ta satisfecho?

AWENDIA nos ta biba den un epoca den cual hende ta liber insigur di promesanan bashi.
pa actua y pensa manera nan kier, pero apesar di e libertad

aki, nan curason no ta contento y ta keda inkieto.

Den un mundo unda aparentemente tur cos ta na alcance di
man, e paradoha di insatisfaccion ta parce di ta omnipres-

ente.

Nos ta haya nos mes rondona pa abundancia y opcionnan,
pero esaki no ta garantisa paz interior ni felicidad berdadero.

E pregunta ta surgi e ora ey: kico realmente nos kier? Kico
ta falta nos? Den e buskeda constante pa algo mas, nos ta
puntra nos mes si e falta di placa ta loke ta stroba nos di

ta feliz. Sinembargo, tin hopi ehempel di miyonarionan cu,
apesar di nan rikesa, ta biba den un infelicidad profundo.

E buskeda pa poder tambe ta parce di no trece e satis-

faccion spera, ya cu semper tin un hende mas poderoso.
Hasta respet, algo asina balora pa hopi hende, no por wordo
cumpra ni adkiri unicamente cu placa of poder.

E storia di Adam y Eva, cu tabatin tur cos y ainda tabata
desea mas, ta refleha un berdad universal. Nos ta manera
nan, semper nos kier mas, nunca satisfecho cu loke nos tin.
Apesar di e abundancia cu ta rondona nos, e insatisfaccion

ta persisti. Den nos golosidad y arogancia, hopi biaha nos ta
perde for di bista loke realmente ta importa.

Na mi opinion, loke nos ta anhela asina tanto, loke real-

mente nos ta desea, ya caba ta aki, ya nos tin’e. E felicidad
y satisfaccion berdadero no ta wordo haya den acumulacion
di biennan material ni den poder social.

Nan ta presente den e simplicidad di bida, den amor y den e
conexion spiritual. Cu nos buskeda sin fin, tin biaha nos no
ta mira cu loke nos ta buscando semper tabata y lo ta na nos
alcance. Ta Dios, of e esencia di lo divino, cu ta corda nos cu

e paz berdadero y e felicidad berdadero no ta den loke nos
ta obtene, sino den loke nos ya ta y loke nos tin caba.

E reflexion ta invita nos pa reconoce cu plenitud no ta sinta

den acumulacion di mas cos, sino den e aprecio pa loke nos
tin caba y den e conexion cu nos ser interior y spiritual.

E ta un yamada na introspeccion, pa busca e paz den nos

mes en bes di pafo, y pa reconoce cu e felicidad berdadero
por wordo haya den e aki y awor, en bes di den un futuro