Page 26 - DESPA
P. 26
Ora cu tin cosnan urgente, semper e ta cla pa yuda y cu un sonrisa. Esaki ta un di e
puntonan pakico pa tempo largo e empleadonan tabata indica cu Manolo mester bira
empleado di luna.
E empleadonan a reuni hunto unda cu a warda pa Manolo te ora cu e zorgmanager a
drenta reunion cun’e. Aki el a keda sorprendi y no por a kere cu nan a scoge como e
empleado di luna. Cosnan bon so tur colega por a bisa di Manolo, kende nan ta mira
como un trahado ehemplar semper cu sonrisa riba su cara. E ta semper habri pa siña
cosnan nobo y consecuentemente a crece tambe den su conocemento y funcion.
Manolo mes a duna di conoce cu e no a spera di ta e empleado di luna y esaki tabata un
sorpresa grandi pa su persona. El a haya e momento aki hopi leuk loke su coleganan a
haci. Manolo tabata contento di por a bira e empleado di luna. El a conseha tur esunnan
cu ta drenta den labor pa semper tin pasion pa e trabou y purba bay dilanti, pasobra nada
no ta dificil den e mundo aki. Tin obstaculonan y mester purba bula nan. “Si bo haya un
dunado di trabou duna bo e chens pa bay dilanti, probech’e. Si bo haya hopi chens pa
sigui siña mas cos, e lo pone bo bay mas dilanti”, asina el a termina.
Hospital ta hopi orguyoso di Manolo y ta gradici’e pa su empuhe y ta felicit’e cu e
reconocimento bunita aki. Masha pabien!
