Page 30 - MIN ARENDS

No solamente ta bay pa e trayectoria, sino e impacto cu nan ta trece cu nan consehonan.

SER ta duna conseho riba tereno social economico y a gusta ora cu a scucha e plannan

innovativo cu Corsou a realisa. Esey ta e direccion cu SER tin cu bay. Presidente di SER

a indica un deseo grandi di dje pa mas independisacion di SER, ya e por tuma su

decisionnan y publica su consehonan tambe mas independientemente. Esey ta algo hopi

bon y ta contribui na e transparencia. Locual cu e secretario di SER di Corsou a

menciona, ta e innovacion cu a tuma luga na Corsou, caminda cu SER por duna conseho

directamente na Parlamento sin pasa via Gobierno prome. Bo ta haya e ora cu e rol di

parlamento pa controla Gobierno ta wordo miho eherce. Si un parlamento tin cualkier un
pregunta, cualkier preocupacion riba aumento di salario minimo of cualkier otro desaroyo

social economico na Aruba, nan mes por pidi conseho y hay’e tambe. Esey ta algo cu na

Aruba tambe mester cuminsa pensa pa bay den e direccion eynan.

MEP tabata den oposicion pa 8 aña y esey lo tabata un tool cu por yuda oposicion hopi pa
controla gobierno. Unda cu tin control tin mas transparencia y mas balance. Esey ta e

direccion cu tin cu bay. Awor aki SER Aruba por mira hopi pasonan dilanti. Nan a

presenta un website hopi moderno y simpel pa por subi y nabega den dje. Ta puntonan

hopi importante. Awor aki tin cu wak na e siguiente 30 añanan con nos lo kier mira SER.

Sosten pa futuro gobernacion

Esey ta algo hopi importante. Definitivamente si logra toca parti den un futuro

Gobernacion, SER y demas institutonan halto di estado lo haya sosten y e espacio pa nan

por haci nan trabao di controla.