Page 103 - KPA

Watty Vos Boulevard Crusada T na Cumana ta bira rotonde

Tuesday, 20 June 2017 18:50
Comparti

Departamento di Obra Publico y Mota Engil ta informa pueblo di Aruba en general y specialmente nos
automobilistanan cu ta haci uzo di e caminda principal di Oranjestad pa Santa Cruz, cu na e crusada T-
weg di Caya Betico Croes y Watty Vos Boulevard, cu entrante diahuebs 22 di juni 2017, lo bai desvia e
trafico riba un rotonde provisional na e crusada T menciona.

(ex-edificio di Codemsa) Motibo ta cu lo bai cuminsa cu e trabounan di construccion di un rotonde pa
Watty Vos Boulevard. E desviacionan di e rotonde lo keda indica cu baricadanan y borchinan di aviso.
Alabes en conexion cu e trabounan di construccion di e caminda nobo entre rotonde Sabana Blanco
(FCCA) y e cruzada T di Caya Betico Croes/ Watty Vos Boulevard, ta bay cera e caminda cu ta conecta cu
Mandolinstraat na Watty Vos Boulevard (dilanti di Aruba Muffler Shop). Lo cera e caminda menciona pa
tur trafico den ambos direccion. Trafico for di rotonde Sabana Blanco direccion Dakota, ta wordo desvia
via di e rotonde di Sabana Blanco. Trafico for di Caya Betico Croes direccion Sabana Blanco, ta wordo
desvia pa e rotonde di Sabana Blanco y despues pa Dakota.E ceramento lo keda indica cu baricadanan y
borchinan di aviso. Trabounan lo tin un duracion di 3 luna. En conexion cu e trabounan menciona
Departamento di Obra Publico ta haci un peticion na tur automobilistanan pa tene cuenta cu a
cambionan den trafico y ta pidi pa tene cuenta cu e inconveniencianan cu lo por surgi y ta gradici pa e
comprencion.